1 Peter 1:13 - De Beebaa Dabu

¹³ Deenei ai, goodou hagadabena ina oodou maanadu ma oodou lodo. Goodou gi paba ange aama de tali hagalodolodo ange gi de manuuia gu dai gaavadu gi goodou i de masavaa o Iesu Klisdo e hagasula mai ai.

1 Peter 1:13 Iomraidhean Croise

1 Kings 18:46

Gai mahi o Tagi Maolunga gu gaavange gi Elijah, gai ia ga hagabigibigi age dono malo laa daha gi dono daogubu, gai ia ga savini ga hano gu dae gi Jezreel i mua o Ahab.

2 Kings 4:29

Gai Elisha ga hai ange gi Gehazi, “Hagabigibigi age oo malo gi doo daogubu, gai koe ga poo dogu dogo i doo lima ga savini ai ga hano. Gai noo koe gu hedae ange gi dahi dangada, gai koe e dee hagaboo ange donu gi de ia, gai noo dahi dangada e hagaboo adu gi de goe, gai koe e dee hagaboo ange gi de ia. Gai koe ga dugua ange dogu dogo gi honga luu mada o de gauligi daane laa.”

De Beebaa go Job 38:3

Hagadabena mage duu age be se daane, gai au ga ssili adu agu muna, gai koe ga basa mai.

De Beebaa go Job 40:7

“Noodia age oo malo mage duu age ai be se daane, gai au ga ssili adu agu muna, gai koe ga basa mai.

Exodus 12:11

Gai deenei doodou hai e gai ai mee nei: goodou hagabigibigia ange oodou malo lloa gi oodou daogubu, gai gi ulumagi ina ange oodou mee vae, mage boogia oodou dogo i oodou lima, gai goodou ga gaimee gi moolau; deenei Taonga Hagasili a Tagi Maolunga.

Isaiah 11:5

De heohi e hai naa go dono beele, gai de muna abodonu go de malo e nnoa ai lo tono ungaalodo.

Jeremiah 1:17

Aagai koe hagadabena ina oo mee hannoo daalaa ange gi gilaadeu muna alodahi aagu e tala adu gi de goe. Aude madagu donu i gilaadeu, kana haia e au goe gi kona doo madagu i gilaadeu.

Matthew 20:4

gai ia ga hai ange gi gilaadeu, ‘Goodou hulo hogi hai hegau i dagu veelengaa grape, gai au ga hagao adu goodou i de mee e heohi.’ Gai gilaadeu ga hulo ai loo.

Luke 12:35

“Goodou kahu hagadaabena ange e hai hegau ma de haula oodou laama.

Luke 17:30

Deenei naa hogi tagodo o Tama a Tangada i dono masavaa e ahe mai ai.

Luke 17:8

E deai! Gai ia e hai ange naa gi de ia, ‘Hagadabena ina ogu mee e gaimee ai, mage gahu i oo malo ga gaamai agu mee e gai ma de unu, gai muli mai gai koe ga gaimee ai ma de unu.’

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Romans 8:19

Denga mee gu hagadau e tali ma de llodo mmao gi dae mai de masavaa e hagaago mai ai dama a de Maadua.

1 Corinthians 1:7

gai gu deai donu se duuhanga oodou tigi kave i de baasi gi de hagasaalunga, i doodou tali de ahe mai o Iesu Klisdo taadeu Dagi Maolunga.

1 Corinthians 13:13

Mee e dolu nei e dee ngado mai donu: go de gai, ma de tali hagalodolodo, aama de aloha, gai de mee e maolunga hugadoo go de aloha.

Ephesians 6:14

Deenei ai, goodou tuu gi makaga ga noonooa oodou ungaalodo i de mee abodonu, ma de dau de heohi i oodou hadahada,

Colossians 3:4

Gai de masavaa naa huu o Klisdo, doodou mouli e humai ai, gai goodou e loomai naa hogi madali ia i de mahamaha.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

2 Timothy 4:5

Aagai koe gi dagitilo i masavaa alodahi, ma de hagaduu ngae i de lodo mmahi i doo hagaduasala ina, ma de hai hegau a tangada e hagadele ina de longo danuaa, ma de hagasula hegau alodahi o dau duuhanga hegau.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

Hebrews 10:35

Deenei ai, goodou gi dee dilia doodou lodo mmahi; go hiidinga goodou e kave naa donu oodou hagaoanga.

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

Hebrews 6:19

De tali hagalodolodo nei e dee haisala donu gai e dee ngalungalue, gai go de ataula e hagamakaga ange aagena odaadeu lodo, gai e hano ga ulu gi lo te aabi e mua gi lodo, i baasi lodo o de malo buibui,

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

1 Peter 1:10

Dagodo o de hagamouli, denga pelaabisi ne tala dagodo o de abodonu gu dai dae mai laa gi goodou, ma de hagaduu ngae ga ssala dagodo o de mee nei;

1 Peter 3:15

Aagai goodou haia Klisdo go Tagi Maolunga i oodou lodo. Gai goodou gi paba i masavaa alodahi, e tala ange gi dangada alodahi, e siilia adu gi goodou dagodo o de tali hagalodolodo i oodou lodo naa. Aagai haia de mee nei i de daudonu ma de hagadubu,

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.