1 Peter 1:10 - De Beebaa Dabu

¹⁰ Dagodo o de hagamouli, denga pelaabisi ne tala dagodo o de abodonu gu dai dae mai laa gi goodou, ma de hagaduu ngae ga ssala dagodo o de mee nei;

1 Peter 1:10 Iomraidhean Croise

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Proverbs 2:4

noo koe e ssala de heiangi bei dau ssala gi maua denga selevaa ma goloa hagamogomogo e gide ngadaa laa,

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 9:3

Gai au ne hagammahi ga dalodalo ange gi de Ia Aamua go de Maadua; au ne dangidangi ma de dalodalo, ga hagahiigai ma de gahu i malo daladala aama de hulu i lehu.

Haggai 2:7

Au e hagangalungalue naa denga huaahenua alodahi, gai goloa hagamogomogo o denga huaahenua e gaamai naa gi kinei, gai au e hai naa de hale nei gi mahamaha mmao, go Tagi o denga hagabuulinga hebagi e hagadaba.

Zechariah 6:12

Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.

Matthew 13:17

Ni muna abodonu aagu e hai adu nei gi goodou, e soa pelaabisi ma dangada heohi ne llodo gi gidee e gilaadeu oodou mee gu gide naa, aagai gilaadeu tee gidee. Gilaadeu ne llodo e hagallongo oodou mee gu langona, gai gilaadeu tee langona.

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Luke 10:24

Au e hai adu gi goodou, e soa pelaabisi ma hodooligi ne llodo gi gidee e gilaadeu mee oodou gu gide naa, gai gilaadeu tee gidee. Gilaadeu ne llodo e hagallongo mee oodou gu langona, aagai gilaadeu tee langona!”

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

John 5:39

Goodou e kana ange ma e dau de Beebaa Dabu, i hiidinga goodou e maanadu bolo go muna nei oodou e maua ai de mouli e dee ngado mai. Gai go muna nei donu e daalaa hagadonu ogu dagodo,

John 7:52

Gai gilaadeu ga hai ange gi de ia, “E aha, koe se dangada Galilee hogi? Saalaa, gai koe e gidee naa bolo tigi ai donu se pelaabisi daudahi ne humai i Galilee.”

Acts 10:43

Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

Hebrews 11:40

go hiidinga de Maadua gu hai dahi hagatau e danuaa ange i mee nei mai gi gidaadeu alodahi, gai ia ga hai ai gilaadeu alodahi gi heohi abodonu madali gidaadeu.

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

1 Peter 1:13

Deenei ai, goodou hagadabena ina oodou maanadu ma oodou lodo. Goodou gi paba ange aama de tali hagalodolodo ange gi de manuuia gu dai gaavadu gi goodou i de masavaa o Iesu Klisdo e hagasula mai ai.