1 Peter 1:1 - De Beebaa Dabu

¹ Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

1 Peter 1:1 Iomraidhean Croise

Esther 3:8

Gai Haman ne hai ange gi de hodooligi go Ahasuerus, “E dahi hagabuulingaa dangada e nnoho i denga vaaenga o doo nohoanga hodooligi; alaadeu hainga e dagodo gee ma hainga a dangada ange laa, gai gilaadeu e dee daudali i hainga a de hodooligi; e deai haigamaiana de golomagi ange lodo o de hodooligi gi gilaadeu.

Psalm 44:11

Koe ne hai gimaadeu bei denga ssiibi gu hagadabena e daa gi maakau, ma de hai gimaadeu gi mavaevae saele i denga henua gee.

Ezekiel 6:8

Aagai au e dugu naa hanu goodou gi ola; hanu goodou e ola mai i de gadilaasa, i doodou masavaa e mavaevae saele ai i denga huaahenua, ga nnoho i olaadeu henua.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Matthew 10:2

Aanei ingoo o de gau tala e dinoangahulu ma dogolua: de ingoo i mua go Simon, e hagaingoo ange laa hogi go Peter, ma dono daina daane go Andrew, ma James tama daane a Zebedee ma dono daina daane go John;

Matthew 24:22

Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili.

Matthew 4:18

De masavaa o Iesu ne seesee ai i gaogao de Vai o Galilee, gai ia ne hedae ange gi e dogolua hai daina daane, go Simon, dahi ono ingoo laa go Peter, ma dono daina daane go Andrew. Gilaau e tili delaadeu galauna i lo te vai laa, go hiidinga gilaau ni daane haangoda.

Luke 18:7

E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

John 11:52

gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu.

John 7:35

Gai de gau Ssuu ga hagadau ssili i olaadeu magavaa ga hagataba, “Go hee oona e hano aagena gi dee gidee ai e gidaadeu ia? Ia ga hano nei gi daho de gau Ssuu e nnoho saele laa i magavaa o de gau Greek e agoago ai de gau Greek?

Acts 18:2

Gai ia ne hedae ange gi dahi daane Ssuu, dono ingoo go Aquila, se daane mai i Pontus, gai gilaau ma dono bodu go Priscilla se goodo loomai donu huu i Italy, go hiidinga Claudius ne alualu de gau Ssuu alodahi gi hulo gee mai i Rome. Gai Paul ne hano ga hedae ange gi gilaau,

Acts 18:23

Dua dono noho i kilaa i hanu laangi, gai ia ne hano hogi laa Galatia ma Phrygia ga hagammahi ange ai lodo o dangada alodahi gu hagadonusia.

Acts 19:10

Gai Paul ne agoago i kilaa i e lua ngadau. Gai de gau Ssuu ma de gau Greek alodahi e nnoho i de ungaamee o Asia gu langona muna a Tagi Maolunga.

Acts 6:9

Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

Acts 8:4

Gai dangada ne mavaevae saele laa ne hulo ga agoago muna a de Maadua.

1 Corinthians 16:19

Denga nohoanga dabu i Asia e gaavadu delaadeu hagaboo gi goodou. Aquila ma Priscilla e gaavadu hogi delaau hagaboo i lodo o Tagi Maolunga, aama de nohoanga dabu e daumaha laa i delaau hale.

2 Corinthians 1:8

Denga daina, gimaau e llodo goodou gi iloo dagodo o omaau hagaduasala i Asia; gimaau ne kona iho i omaau hagaduasala, gai ne dubu ange donu i amaau mee ne mau i de hagauda; gimaau ne maanadu bolo gimaau e maakau naa donu.

Galatians 1:2

ma mai hogi i daho denga daina alodahi madali au. Ange gi denga nohoanga dabu i Galatia.

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

Ephesians 2:19

Deenei ai, goodou gu dee ni dangada tua de mee aabe ni dangada henua gee, aagai gu ni dangada donu de henua madali dangada o de Maadua, goodou gu ni dangada donu dono huaabodu.

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Deuteronomy 32:26

Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.

2 Timothy 1:15

Koe e iloo bolo dangada alodahi i Asia ne tili au, bei dagodo o Phygelus ma Hermogenes.

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”