1 John 5:1 - De Beebaa Dabu

¹ Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

1 John 5:1 Iomraidhean Croise

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Luke 7:5

go hiidinga ia e aloha i taadeu huaahenua, gai go ia ne hagaduulia demaadeu synagogue.”

John 1:3

Mee alodahi go ia ne haia; gai teai donu se mee daudahi e dee go ia ne haia.

John 15:23

Tangada e kino i de au, e kino hogi i dogu Damana.

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 6:69

Gimaadeu gu hagadonusia ma de iloo bolo go koe donu de Ia Dabu a de Maadua.”

John 8:42

Iesu ne hai ange gi gilaadeu, “Noo go de Maadua doodou damana, gai goodou e aaloha i de au, go hiidinga au ne humai donu i daho de Maadua. Au tee humai donu huu i de au, gai go ia ne haia nei au gi humai.

Acts 8:36

Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [

Acts 8:37

Philip ne hai ange gi de ia, “Noo koe e hagadonusia i oo lodo alodahi, gai koe e maua donu.” Gai de eunuch ga hai ange, “Au e hagadonusia bolo Iesu Klisdo go Tama Daane a de Maadua.”]

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

1 John 2:10

Be goai e aloha i dono daina e noho donu i de maalama, gai e deai donu se mee e haia ia gi haisala.

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

1 John 3:14

Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

1 John 3:9

E deai donu se dangada gu haanau i daho de Maadua e aheahe ange ga haisala, go hiidinga hua o de Maadua e dagodo i ono daha; ia e dee maua donu i de aheahe ange e haisala, go hiidinga ia gu haanau i daho de Maadua.

1 John 4:2

Gai deenei doodou hai e madea ai de Hagasaalunga o de Maadua: denga hagasaalunga alodahi e daalaa hagadonu bolo Iesu Klisdo ne hai ga se dangada, se hagasaalunga mai i daho de Maadua;

1 John 4:20

Noo tangada e hagadaba bolo ia e aloha i de Maadua, aagai e kino i dono daina, gai ia se dangada hadu muna. Gai tangada e dee aloha i dono daina aana e gidee laa, e dee maua donu i de aloha ange gi de Maadua aana e dee gidee laa.

1 John 4:7

Ogu soa hagamogomogo, gidaadeu ga hagadau aaloha; go hiidinga de aloha se mee mai i daho de Maadua, gai tangada e hai hegau i de aloha se dama donu nii de Maadua gai ia e iloo de Maadua.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

1 John 5:4

gai tangada gu haanau i daho de Maadua gu kii donu i henua i lalo. Deenei de mee adaadeu e hagadee kii ai henua i lalo: go odaadeu kai.

1 John 5:5

Gai goai e maua i de hagadee kii henua i lalo? Go tangada e hagadonusia bolo Iesu go Tama Daane donu a de Maadua.