1 John 4:1 - De Beebaa Dabu

¹ Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

1 John 4:1 Iomraidhean Croise

1 Kings 13:18

Gai ia ga hai ange gi taane laa, “Au se pelaabisi hogi bei oo dagodo, gai tangada de langi ne tala mai muna a Tagi Maolunga, ga hai mai, ‘Hannoo hagaahea mai ia madali goe gi doo hale, e gaimee ai ia ma de unu.’ ” Aagai ia ne hadu muna ange gi de ia.

Proverbs 14:15

Tangada senga e hagadonusia mee alodahi, aagai tangada maanetonu e dagitilo dono hai e seesee ai.

Jeremiah 14:14

Gai Tagi Maolunga ne hai mai gi de au, “Denga pelaabisi e pasa pelaabisi naa i dogu ingoo, ni daane hadu muna. Gai e dee go au donu ne haia gilaadeu gi loadu, au tee hili hogi gilaadeu, aabe gu basa ange gi gilaadeu. Gilaadeu e tala adu gi goodou hanu midi hhadu, ma de tala mee e loomai e deai haigamaiana, gai e daahanga donu huu gilaadeu.

Jeremiah 23:16

Gai e hagadaba Tagi o denga hagabuulinga hebagi: “Goodou gi dee hagalaangona muna a denga pelaabisi e tala adu; gilaadeu e hai goodou gi tali hagalodolodo ange gi mee dee haigamaiana. Gilaadeu e tala midi alaadeu e hadu age donu huu i olaadeu lodo, e dee ni muna mai i daho Tagi Maolunga.

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Mark 13:21

Gai noo dahi dangada e hai adu gi goodou, ‘Tilo, deenei de Klisdo!’, be e hai adu, ‘Tilo, deelaa ia!’, gai goodou aude hagadonusia ana muna.

Luke 12:57

“Gu aha goodou gu dee iloo ai i de hagamodu be se aha e heohi i de hai?

Luke 21:8

Iesu ne hai ange gi gilaadeu, “Goodou dagidiiloo gi dee hagasengalia goodou. E soa naa dangada e loomai i dogu ingoo ga hagataba, ‘Go au go ia!’, gai ‘Gu baa mai de masavaa laa!’ Gai goodou gi dee daudali ange i gilaadeu.

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

1 Corinthians 12:10

gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

1 Corinthians 14:29

E dogolua aabe e dogodolu dangada gi pasa pelaabisi, gai de gau ange laa gi hagalaangona ma de hagasaelea dagodo o alaadeu muna.

1 Thessalonians 5:20

gai goodou aude hagangadi mee ina agoago i de basa pelaabisi,

1 Thessalonians 5:21

aagai hagataalea ange mee alodahi; gai daohi mee danuaa.

2 Thessalonians 2:2

goodou gi dee moolau de gaavee oodou lodo, be go de manavasaa oodou lodo, i hiidinga o dahi hagasaalunga be go hanu agoago, aabe se leda a hanu ne gaavadu, bolo se leda mai i omaadeu daha, gai e tala ai bolo de laangi o Tagi Maolunga gu dae mai donu.

1 Timothy 4:1

Gai de Hagasaalunga ⌊Dabu⌋ gu tala bolo hanu e daahuli gee naa i de gai i laangi hagaodi, gai gilaadeu ga daudali i lodo o hagasaalunga hadu muna aama de agoago i daho denga hagasaalunga baubau.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

1 John 2:18

Agu dama, gu baa mai donu de aoaa hagaodi! Goodou gu langona bolo de hagadaumee o Klisdo e humai naa, gai gu soa donu hagadaumee o Klisdo gu loomai. Deenei taadeu hai e iloo ai bolo gu dae mai donu de aoaa hagaodi.

1 John 2:7

Ogu soa hagamogomogo, muna aagu e sisi adu nei gi goodou e dee ni muna hoou, aagai ni muna duai donu niiodou gu iloo mai i taamada age; muna duai go muna donu gu lava laa i doodou hagallongo.

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.