1 John 3:12 - De Beebaa Dabu

¹² Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

1 John 3:12 Iomraidhean Croise

Genesis 4:25

Gai Adam ne ahe ange ga hagahebaa ma dono bodu, gai de hine laa gu haanau dahi dama daane ga hagaingoo ange ia go Seth, i hiidinga ia ne hagadaba, “De Maadua gu gaamai gi de au dahi dama e sui ai Abel, go hiidinga a Cain gu daa ia ma gu magau.”

2 Samuel 13:22

Gai Absalom tee tala ange donu dahi muna daudahi gi Amnon; ia gu kino i Amnon i hiidinga dana hai gi de mahi dono daina go Tamar.

Psalm 37:12

De gau baubau e noho e hai baasi ange gi tangada heohi, ma de hagalloa ange olaadeu malaungudu gi de ia;

Psalm 38:20

Dangada e sui mai agu hegau danuaa i de baubau e hagabaubau au i hiidinga dogu hagammahi e hai tanuaa.

Proverbs 27:4

De lili e kona de alasala, gai de bole e kii ange donu de baubau, aagai goai e maua i de hai baasi ange gi de maagoda?

Proverbs 29:10

De gau daa dangada e kino i tangada e hai hegau i de heohi, gai gilaadeu e ssala tangada heohi e daa gi magau.

Proverbs 29:27

Tangada heohi e kino i tangada baubau, gai tangada baubau e kino i tangada e haia de mee heohi.

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Matthew 13:38

De veelenga go henua i lalo; denga golee danuaa go dangada o de nohoanga hodooligi. Gai denga helii baubau go dama a de ia baubau laa.

Matthew 23:35

Gai dodo o de gau heohi oodou gu daa ga maakau i henua i lalo alodahi, e dau adu naa gi goodou, mai i dodo o Abel ga dae ai gi dodo o Zechariah tama daane a Berekiah, go taane oodou ne daa ga magau i magavaa o de Aabi Dabu ma de mommee o ssigidaumaha.

Matthew 27:23

Gai Pilate ne ssili ange, “Gai se baubau aha aana gu hai?” Aagai dangada ne kii ange de hevaalogi, ga hai ange, “Daudau ina ia i de laagau lui!”

Matthew 5:37

Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.

Luke 11:51

mai i dodo o Abel ga dae ai gi dodo o Zechariah, ne daa ga magau i magavaa de mommee o ssigidaumaha ma de Aabi Dabu. Ni muna abodonu aagu e hai adu nei gi goodou: de atangada nei e hagaduasala naa donu i hiidinga dodo nei.

John 10:32

aagai Iesu ga hai ange gi gilaadeu, “Au gu hagaago adu gi goodou hegau danuaa lagolago mai i daho dogu Damana. Gai dee hee de hegau i mee nei, oodou ga maga ai naa au i hadu?”

John 8:40

Gai iainei goodou e llodo e daa au gi magau, go tangada gu daalaa adu gi goodou de mee abodonu aagu ne langona mai i daho de Maadua. Gai Abraham tee hai de mee nei.

John 8:41

Gai goodou e hai donu mee a doodou damana gu hai.” Gilaadeu ne hai ange gi de ia, “Gimaadeu tee hagadili i de hai be se manu; gimaadeu e dahi donu huu omaadeu damana, go de Maadua.”

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

1 Thessalonians 2:14

Denga daina, goodou gu bei dagodo o denga nohoanga dabu o de Maadua i lodo o Klisdo Iesu i Judea. Goodou ne vaivai haia hogi i daho dangada doodou henua, bei delaadeu hai ne vaivai haia ai i daho de gau Ssuu,

Hebrews 11:4

De gai o Abel ne hai ga maua e ia de hai dahi ssigidaumaha e danuaa ange laa i ssigidaumaha a Cain. Gai ia ne hagabinga bolo se daane e heohi i hiidinga o de mee nei, gai de Maadua ne malangilangi i ana mee ngadi gaavange. Gai ia e duudagi donu de basa iainei i dono gai, e dee galemu donu ia gu magau.

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.