1 John 2:9 - De Beebaa Dabu

⁹ Be goai e hagadaba bolo ia e seesee i de maalama aagai ia e kino i dono daina, gai ia goi noho donu huu i lo te gohu.

1 John 2:9 Iomraidhean Croise

2 Samuel 13:22

Gai Absalom tee tala ange donu dahi muna daudahi gi Amnon; ia gu kino i Amnon i hiidinga dana hai gi de mahi dono daina go Tamar.

Psalm 82:5

Gilaadeu e dee iloo mee gai e dee tonu. Gilaadeu e seesee saele i lo te gohu; gai tagelo alodahi o henua i lalo gu dai baakuu.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

2 Peter 1:9

Aagai be goai e dee daakodo mee nei i ono daha, gai ia e dee maua i de tilo de mee mmao ma tee gide; ia gu ngalo bolo ia gu lava i de hagagilimalali mai i ono haisala i de masavaa gu hano.

1 John 1:6

Noo gidaadeu e hagataba bolo gidaadeu e buni madali ia, aagai gidaadeu e seesee i de gohu, gai gidaadeu e hadu muna ma tee hai hegau i de muna abodonu.

1 John 2:11

Aagai tangada e kino i dono daina e noho donu i lo te gohu ma de seesee i lo te gohu, ia e dee gidee danuaa dono haiava e seesee ai, go hiidinga de gohu gu haoli luoono mada.

1 John 2:4

Tangada e hagadaba, “Au e iloo ia” aagai e dee daohi ana muna, se dangada hadu muna, gai e deai donu se muna abodonu e dagodo i ono lodo,

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

1 John 4:20

Noo tangada e hagadaba bolo ia e aloha i de Maadua, aagai e kino i dono daina, gai ia se dangada hadu muna. Gai tangada e dee aloha i dono daina aana e gidee laa, e dee maua donu i de aloha ange gi de Maadua aana e dee gidee laa.