1 John 2:5 - De Beebaa Dabu

⁵ aagai be goai e daohia ana muna, gai ni muna abodonu de aloha o de Maadua gu honu abodonu i ono daha. Deenei taadeu hai e iloo abodonu ai bolo gidaadeu e nnoho donu i ono lodo:

1 John 2:5 Iomraidhean Croise

Psalm 105:45

gai gilaadeu ga daohi ai ana muna gu hagasauaa, ma de daudali i ana hainga. Duuhia Tagi Maolunga!

Psalm 106:3

E manuuia gilaadeu e hai hegau i de hagamodu muna heohi, ma de hai hegau i de heohi i masavaa alodahi.

Psalm 119:146

Tagi Maolunga, au e hagahi adu goe, hagaola ina ngau, gai au ga daohi au muna.

Psalm 119:2

E manuuia gilaadeu e daohia ana muna, ma de ssala ia i olaadeu lodo alodahi,

Psalm 119:4

Koe gu lava i de hagaduu au muna gu hagasauaa gai dangada gi kana ange gi daohia.

Proverbs 28:7

Tangada e daudali laa i de hainga se dama heiangi, aagai tangada e hagabuni ange gi de gau aagai e hagadogaa dono damana.

Proverbs 8:32

Deenei ai, agu dama, goodou hagalaangona agu muna; e manuuia gilaadeu e daudali i ogu haiava.

Ecclesiastes 8:5

Tangada e daudali i de hainga, e dee hagammae donu, gai tangada heiangi e iloo de masavaa heohi ma dono hai e hai ai.

Ezekiel 36:27

Gai au e hhao adu naa dogu Hagasaalunga gi oodou lodo, ma de hagangaalue goodou gi daudali i agu mee gu hagasauaa, aama de kana ange ga daohi agu hainga.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

John 14:21

Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

John 15:5

Go au de grapevine; goodou go denga laa. Be goai e noho i ogu lodo, gai au e noho i ono lodo, gai ia e hua lagolago. Goodou e dee maua donu i de hai dahi mee daudahi, noo goodou e dee noho i ogu lodo.

John 6:56

Be goai e gaina dogu angaanga ma de unu ogu dodo e noho donu i ogu lodo, gai au i ono lodo.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

James 2:22

Gai koe gu gidee bolo dono gai ma ana hegau e hagahai hegau ngaadahi, gai dono gai ne hai ga honu danuaa i ana hegau.

1 John 3:24

Be goai e daohia ana muna, gai ia e noho i lodo o de Maadua, gai de Maadua e noho i ono lodo. Gai deenei taadeu hai e iloo ai bolo ia e noho i odaadeu lodo: gidaadeu e iloo de mee nei i daho de Hagasaalunga ⌊Dabu⌋ aana gu gaamai gi gidaadeu.

1 John 4:17

Deenei de hai e hai e honu abodonu ai de aloha i odaadeu daha, gai gi lo taane ai gidaadeu i de laangi hagamodu muna; go hiidinga gidaadeu e bei dagodo o Klisdo, i taadeu nnoho i henua i lalo nei.

1 John 4:18

De aloha e deai donu se madagu iai, aagai de aloha e honu abodonu e hagadeai se madagu. Go hiidinga de madagu e humai madali de hagaduasala, gai tangada e madagu laa tigi honu abodonu dono aloha.

1 John 5:2

Gai deenei taadeu hai e iloo ai bolo gidaadeu e aaloha i dama a de Maadua, go taadeu aaloha i de Maadua ma de daudali i ana muna.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

2 John 1:6

Gai deenei tagodo o de aloha, go taadeu daudali i ana muna gu tala mai. Gai deenei dana muna gu tala mai, bei doodou hai ne langona ai laa mai i taamada age: goodou seesee i de aloha.

Revelation 12:17

Gai de dragon gu lili mmao i de hine laa, gai ia ga hano ga hebagi ange gi dangada e doe i dono hagadiilinga, ma gilaadeu e daohia muna a de Maadua ma de daalaa hagadonu dagodo o Iesu.

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.