1 John 2:3 - De Beebaa Dabu

³ Gai deenei taadeu hai e iloo abodonu ai bolo gidaadeu e iloo ia: noo gidaadeu e daohi ana muna.

1 John 2:3 Iomraidhean Croise

Psalm 119:32

Au e savini i lo te haiava o au hainga, go hiidinga koe gu hai gi donu danuaa ange au.

Psalm 119:6

Gai gi dee hagadogaa ina ai au, i dagu daumada au hainga alodahi.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

John 14:15

“Noo goodou e aaloha i de au, gai goodou ga daudali i agu hainga.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

John 15:14

Goodou ni soa donu niiogu, noo goodou e daudali i agu muna e tala adu gi goodou.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

1 John 2:13

Denga damana, au e sisi adu mee nei gi goodou, i hiidinga goodou e iloo de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou gu kii i de ia hagabaubau. Denga dama, au e sisi adu mee nei gi goodou, i hiidinga goodou e iloo Tamana.

1 John 3:14

Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

1 John 3:19

Deenei taadeu hai e iloo ai bolo gidaadeu ni dangada e dau ange gi de mee abodonu, ma de hai gi dee manavasaa odaadeu lodo i mada luu mada o de Maadua:

1 John 3:6

E deai donu se dangada e noho i lodo o Klisdo e haisala. E deai hogi se dangada gu gidee aabe gu iloo ia e aheahe ange ga haisala.

1 John 4:13

Gai deenei taadeu hai e iloo abodonu ai bolo gidaadeu e nnoho i lodo o de Maadua gai ia e noho i odaadeu lodo, go hiidinga ia gu gaamai dono Hagasaalunga gi noho i odaadeu lodo.

1 John 4:7

Ogu soa hagamogomogo, gidaadeu ga hagadau aaloha; go hiidinga de aloha se mee mai i daho de Maadua, gai tangada e hai hegau i de aloha se dama donu nii de Maadua gai ia e iloo de Maadua.

1 John 5:19

Gidaadeu e iloo bolo gidaadeu ni dama donu nii de Maadua, aagai henua i lalo alodahi e dagodo i lalo ssauaa o de ia hagabaubau.

1 John 5:2

Gai deenei taadeu hai e iloo ai bolo gidaadeu e aaloha i dama a de Maadua, go taadeu aaloha i de Maadua ma de daudali i ana muna.

1 John 5:3

Gai deenei taadeu aloha i de Maadua, go taadeu daohi ana muna. Gai ana muna e dee hagadaemaha donu,

Revelation 12:17

Gai de dragon gu lili mmao i de hine laa, gai ia ga hano ga hebagi ange gi dangada e doe i dono hagadiilinga, ma gilaadeu e daohia muna a de Maadua ma de daalaa hagadonu dagodo o Iesu.

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.