Philippi 1:10 - Dakota Wowapi Wakan Kin

¹⁰ Kinhan, taku waśte kin hena idukcanpi kta, hecen okonwanjidan ḣicahe śni yaunpi kta, Messiya anpetu tawa kin en;

Philippi 1:10 Iomraidhean Croise

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

I. Thessalonike 3:13

Qa heon wowakan en nicantepi kin iyaonpepica śni niciyusutapi kta, Wakantanka Ateunyanpi kin itokam, tohan Jesus Messiya Itancan unkiyapi kin tona wicayuwakan kin owasin om hi kinhan.

I. Thessalonike 5:23

Qa wookiye Wakantanka kin niyepi ocowasin niyuecepidan nunwe; hecen ninagipi kin ocowasin, qa nitawacinpi, qa nitancanpi kin iyaonpepica śni niyuhapi kta, Jesus Messiya Itancan unkiyapi kin hi kte cin hehanyau.

Roma 2:18

Qa iye tawacin kin sdonyaya, qa taku tona waśte kin idukcan, woope kin tanyan onnispe nakaeś;

Ephesos 5:10

Qa Itancan kin taku iyokipiye kte cin he akita po.

I. Johannes 4:1

Waśtecicidapi kin, ihnuhan woniya owasin wicayadapi kinhan; tuka woniya kin wicayukcan po, Wakantanka etanhan unpi kinhan; wicaśta wokcan itonpiśni ota wanna wicoicage kin ehna iyayapi.

Philippi 1:6

Unkan he sdonwaya; tuwe tokaheya oḣan waśte nicicagapi kin he niciyuśtanpi kta, Jesus Messiya anpetu tawa kin hehanyan.

I. Thessalonike 5:21

Taku owasin iyukcanpi, qa taku waśte kin he ṭinsa yuha po.

I. Korinth 1:8

He owihanketa hehanyan iyanionpepica śni niyusutapi kta, Jesus Messiya Itancan unkiyapi taanpetu kin etu.

Wayuotanin 2:2

Nioḣan, qa nitoḣtani, qa wacinnitanka kin he sdonwaya; qa tona śicapi kin hena iyowinwicakiya oyakihi śni; qa tona yewicaśipi kin hecapi keic̣iyapi kin hena wicadukcan qa itonpiśni kin heca iyewicayaya.

Ephesos 5:27

Qa hecen iye ekta ehdaku kta, wowitan okodakiciye kin heca, woaśape qa yuśkipi, qa taku hececa wanica; hecen wakan, qa waaśape śni un kta.

Johannes 1:47

Jesus Nathanael en u wanyake c̣a he on heya; Wanyaka po, Israel wicaśta ḣinca wan he dee, wicahnaye wanin un ce.

Mattheos 16:23

Tuka iye ihduhomni qa Inyan heciya; Satan mihektapa tanhan ya wo, tokamayaya; Wakantanka taku tawa kin awacanni śni, tuka wicaśta taku tawapi kin.

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

Roma 12:9

Wacantkiyapi kin he wohnaye wanin un nunwe. Taku śice cin he śice dakapi, qa taku waśte kin he en iyaihdaśka po.

Roma 8:7

Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.

Mattheos 26:33

Hehan Inyan ayupte c̣a heciya; Owasin eḣpeniyanpi eśta, miye tohinni eḣpeciye kte śni.

Philippi 1:16

Hena e waakinicapi kin on, wowicake eciyatanhan śni Messiya kin oyakapi, qa makaśkapi kin en wokakije kokijuya aupi kta kecinpi;

Ephesos 6:24

Tona awicakehan Jesus Messiya Itancan unkiyapi waśte dakapi kin hena owasin en, wowaonśida wicakici un nunwe. Amen.

Ephesos 4:15

Tuka wowaśtedake en iewicaunkapi kta, hecen tuwe wicapa kin ee, Messiya hee en taku owasin on unkicagapi kta.

Galatia 5:11

Mihunkawanji, miś miye bakiḣdayapi kin ieyanwapaha kinhan tokeca e śicaya makuwapi he; kinhan, can susbeca iwośihda kin he enakiyapi tuka.

II. Korinth 8:8

Wicoope eciyatanhan hena hepe śni, tuka wicaśta tokeca aic̣iciyapi kin heon; qa wacanyakiyapi kin he wowicake kinhan imdute kta.

II. Korinth 6:3

Takudan on tuwedan ibotounyanpi śni, hecen wawokiyapi kin he bapi kte śni:

II. Korinth 2:17

Wicota Wakantanka oie kin hnayan kuwapi kin hena iyeuncecapi śni; tuka wowicake eciyatanhan, tuka Wakantanka eciyatanhan, qa Wakantanka itokam, Messiya unkoyakapi ece.

I. Korinth 10:32

Juda oyate, qa Helenes oyate, qa Wakantanka taokodakiciye tuwedan ican nyayapi kte śni.

I. Korinth 8:13

Heon etanhan woyute kin mihunkawanji waḣtaniye cinhan, ohinniyan tado wate śni waun kta, okinni mihunkawanji waḣtaniwaye kta.

Roma 16:17

Mihunkawanji ceciciyapi ce, tona woonspe onspenic̣iciyapi qon eciyatanhan śni yuomdecapi, qa waḣtani wicayapi kin hena iwanwicayakapi, qa nawicakicipa po.

Roma 7:22

Wicaśta mahentu kin eciyatanhan Wakan tanka toope kin on imduśkin:

Roma 7:16

Taku wacin śni kin he ecen ecamon kinhan, woope kin he waśte e induotanin.

Olianyanpi kin 24:16

Heon Wakantanka, qa nakun wicaśta kin en tawacin takudan iyaonpepica śni waun kta e ohinniyan opimiciya ce.

Johannes 3:20

Tuwe taku śica econ kin he iyoyanpa śice daka, qa iyoyanpa ikiyedan u śni, oḣan iyopeyapi kto cin heon.

Philippi 2:16

Qa wiconi wicoie kin pazo yaunpi: Hecen Messiya anpetu tawa kin en taku on imawinkta kin he dee, taku śni on waimnanke śni, qa taku śni on ḣtawani śni kin hee.