Philippi 1:1 - Dakota Wowapi Wakan Kin

¹ Palos qa Timotheos, Jesus Messiya taokiyewicaye cin, topa Philippi ekta Jesus Messiya en owotanna un kin hena, qa waawanhdake cin hunka wicayapi ko, wowapi unnicagapi:

Philippi 1:1 Iomraidhean Croise

Markos 13:34

Wicaśta wan icimani ye kte cin, tipi eḣpeye c̣a taokiyewicaye cin taku econ wicaśi, otoiyohi wicoḣan wicaqu, qa tiawanyake cin he awanyake śi, he iyececa.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Olianyanpi kin 1:20

Odowan wowapi kin en kaken kagapi; He tukten ti qon ḣewoskan yanke c̣a, tuwedan ohna ti śni nunwe; qa, Awanhdakapi wicoḣan yuhe ciqon he tuwe tokeca icu kta.

Olianyanpi kin 20:28

Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.

Olianyanpi kin 9:13

Hehan Ananias ayupta; Itancan, wicota etanhan wicaśta kin he Jerusalem ekta, tona owotanna wicaduhe cin taku śica ecawicakicon kin hena nawaḣon;

Roma 1:1

Palos Jesus Messiya taokiye, yewicaśipi kin en kicopi, Wakantanka tawootanin waśte on kaḣnigapi;

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

I. Korinth 16:10

Unkan Timotheos ekta i kinhan, kokipeśniyan en niunpi kta e akita po: He nakun miye ecamon kin iyecen Itancan to ḣtani kin econ ece.

II. Korinth 1:1

Palos, Wakantanka tawacin kin eciyatanhan, Jesus Messiya yeśi qon he, qa Timotheos hunkawanjinkiciyapi wan kici, Korinth ekta Wakantanka taokodakiciye kin, qa Akeya owancaya tona owotanna un kin hena oya, wowapi unnicagapi.

Galatia 1:10

Wicaśta qa Wakantanka, unma tukte cinwicawakiya he; qa wicaśta kin iyokipiwicawaya awakita he. Wicaśta kin iyokipiwicawaya unkanś, Messiya wowidagmaye kte śni tuka.

Galatia 3:26

Jesus Messiya wacinyanpi kin eciyatanhan owasin Wakantanka cinca kin heuncapi.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Ephesos 1:1

Palos, Wakan tanka tawacin kin eciyatanhan, Jesus Messiya yeśi qon hee, Ephesos ekta tona owotanna un, qa Jesus Messiya wacinyanpi kin hena wowapi cicagapi:

Ephesos 1:15

Hecen miś eya, Jesus Messiya wacinyayapi kin he, qa tona owotanna un kin owasin waśte wicayadakapi kin nawaḣon kin,

Ephesos 6:24

Tona awicakehan Jesus Messiya Itancan unkiyapi waśte dakapi kin hena owasin en, wowaonśida wicakici un nunwe. Amen.

Philippi 2:19

Tuka niyepi kin ekta Timotheos kohanna yewaśi kta wacanmi, Jesus Messiya Itancan kin on, hecen tohan token yaunpi kin sdonwaye cinhan, hehan miś nakun iyokipi waun kta.

Philippi 2:5

Jesus Messiya token tawacin qon he iyecen wacin duzapi kta.

Philippi 3:12

Wanna dehan iyowahi, qa wanna mayuśtanpi kin ee śni; tuka kuwa amde, okinni taku on Jesus Messiya mayuze cin hee mduze kta.

Philippi 3:3

Tona bakiḣdayapi, qa wicocante on Wakantanka ohodapi, qa Jesus Messiya en iwinktapi, qa wicaceḣpi wacinyanpi śni kin heuncapi.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

I. Thessalonike 1:1

Palos, qa Siluanos, qa Timotheos, Thessalonike ekta okodakiciye kin, Wakantanka Ateyapi kin en, qa Jesus Messiya Itancan kin en un kin, wowapi wicakicagapi: Wowaonśida, wookiye ko, Wakantanka Ateunyanpi etanhan, qa Jesus Messiya Itancan kin nakun, niyepi en nicipi un nunwe.

I. Thessalonike 2:2

Tuka Philippi ekta kakiśunyanpi, qa unkiḣaḣapike cin niye sdonyayapi; qa he iyohakam Wakantanka unkitawapi kin on wadiuntakapi, qa waakinicapi ota ehna wotanin waśte kin unkoniciyakapi.

II. Thessalonike 1:1

Palos, qa Siluanos, qa Timotheos, Thessalonike ekta okodakiciye Wakantanka Ateunyanpi, qa Jesua Messiya Itancan kin en un kin hena, wowapi wicakicagapi;

II. Thessalonike 1:10

Tohan oyate owotanna tawa kin en ihduwitan kta, qa tona iye wacinyanpi kin hena owasin on yatanpi kta e on hi Kinhan; anpetu kin he en taku unniciyaotaninpi qon he wicayadapi kin heon.

I. Timotheos 1:2

Timotheos, wacinyanpi kin eciyatanhan micinkśi kin hee, wowaśte, wowaonśida, wookiye ko, Wakantanka Ateunyanpi, qa Jesus Messiya Itancan unkiyapi kin hena etanhan kiciun nunwe.

I. Timotheos 3:8

Iś eya hunkayapi un kin hena nakun wacinksapapi kta, ceji jatapi śni, miniśa en iyeiciyapi śni, qa mazaska nina akitapi kte śni:

Titos 1:1

Palos Wakantanka taokiye, qa Jesus Messiya yeśi qon, tona Wakantanka wicakaḣniga, wacinyanpi kte cin heon, qa wowicake wicoḣan waśte en un kin sdonyapi kte cin heon;

Titos 1:7

Waawanhdake cin he takudan iyaonpepica śni un kta, he Wakantanka taokiye kin ee; iśnana wacin en ihduze śni, wacinko śni, miniśa en iyeic̣iye śni, ohitiic̣ida śni, qa mazaska nina akite kte śni;

Philemon 1:1

Palos, Jesus Messiya on, kaśka hnakapi kin he, qa Timotheos sunkaunyanpi kici, Philemon waśte unkidapi qa ounkiyapi ece kin,

Hebrew 13:23

Timotheos hunkawanjin unyanpi kin wanna kiyuśkapi e sdonya po, he ecadan u kinhan kici wanciyakapi kta.

Jakob 1:1

Jakob, Wakantanka taokiye, qa Jesus Messiya Itancan tawa kin he, wicowazi akenonpapi enanakiya eyaye cin hena wowapi wicakicaga; wookiye.

I. Inyan 2:25

Taḣin wanunyanpi nunipi kin iyenicecapi; tuka wanna tuwe wonniyanpi qa nagi awanniyakapi kin he ekta yahdipi.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

Judas 1:1

Judas, Jesus Messiya tawowidake kin, qa Jakob sunkaku kin, tona Wakantanka Ateyapi kin en wicayuecepidan, qa Jesus Messiya en wicakpatanpi, qa wicakicopi kin hena wowapi wicakicaga.

Wayuotanin 1:1

Jesus Messiya wayuotanin tawa, taku ecadan u kta e he tawowidake kin sdonyewicakiye kta Wakantanka qu qon he dee; unkan taohnihde wan u śi, qa tawowidake Johannes he okiyaka:

Wayuotanin 1:20

Wicanḣpi śakowin minape etapa kin ohna wandake ciqon wowiyukcan kin hee, qa mazaskazi petijanjan ihupa kin hena nakun. Wicanḣpi śakowin qon okodakiciye śakowinpi ohnihde yuhapi kin hena eepi; qa petijanjan ihupa śakowin wandake cin okodakiciye śakowinpi kin hena eepi.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.

Wayuotanin 2:12

Unkan Pergamos ekta okodakiciye ohnihde yuhapi kin he ecen wowapi kicaga wo; Tuwe maza sagye anog ope kin hduhe cin hee hecen eya;

Wayuotanin 2:8

Unkan Smurna ekta okodakiciye ohnihde yuhapi kin he ecen wowapi kicaga wo; Tuwe tokaheya qa ehake un kin, ṭe c̣a ake kini kin hee hecen eya;

Wayuotanin 22:9

Hehan hemakiya, Ihnuhan hecanon kin; miś eya ookiye cici waun, qa nihunkawanji wicaśta wokcanpi kin etanhan waun, qa tona wowapi kin de oie yuhapi kin hena owicawapa; Wakantanka ohoda wo.