Mattheos 9:2 - Dakota Wowapi Wakan Kin

² Unkan iho, wicaśta ṭaṭake cin wan owinja akan wanka e he en ahipi. Unkan Jesus wacinyanpi kin wanyake c̣ehan ṭaṭake cin heciya; Cinś, cante waśte wo; wayaḣtani kin nicicajujupi ce.

Mattheos 9:2 Iomraidhean Croise

Mattheos 14:27

Tuka Jesus kohanna owicakiye c̣a heya; Cante waśte po; de miye ce; kopehdapi śni po.

Mattheos 4:24

Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Mattheos 6:12

Qa waunḣtanipi kin unkicicajuju po, tona waunkiciḣtanipi wicunkicicajujupi kin he iyececa:

Mattheos 8:10

Unkan Jesus he naḣon qehan yuśinyaya, qa ihakam unpi kin hewicakiya; Awicakehan heciciyapi, Israel hee kaeś en wacinyanpi hinsko tanka iyewaye śni ce.

Mattheos 8:16

Wanna ḣtayetu hehan wakan śica wicayuhnaśkinyan ota en awicahipi; unkan oie kin on wakan śica napewicaya; qa tona wayazankapi kin owasin asniwicaya.

Mattheos 9:22

Tuka Jesus ihdamna, qa wanyake c̣ehan heya; Cunś, cante waśte wo; wacinyaye cin he asniniyan ce. Unkan wihiyayedan oape kin he en winoḣinca kin asni.

Mattheos 9:5

Wayaḣtani kin nicicajujupi ce, eyapi; qa iś; Najin qa mani wo, eyapi kin, unma tukte waśakadan he

Mattheos 9:6

Tuka Wicaśta Cinhintku kin woaḣtani maka akan kajuja kta okihi e he sdonyayapi kta; hehan ṭaṭake cin heciya; Najin wo, nitowinja ehdaku qa tiyata hda wo.

Markos 1:32

Wanna ḣtayetu, wi iyaya hehan, wayazankapi kin owasin yanke cin en awicahipi, tona wakanśica wicayuhnaśkinyan hena koya.

Markos 10:49

Unkan Jesus owanji najin qa kicopi kta, keya; hecen iśtagonge cin kicopi qa heciyapi; Cante waśte wo, najin wo, wanna nico ce.

Markos 5:34

Unkan heciya; Cunś, wacinyaye cin he asniniyan; wookiye hda wo, qa waniyazan qon okizi un wo.

Markos 6:50

Owasin wanyakapi qa yuśinyayapi. Unkan hecehnana owicakiye ca hewicakiya; Cante waśte po, he miye, kokipapi śni po.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Johannes 2:25

Qa wicaśta on tuwedan wayaotanin kta cin śni; iye atayedan wicaśta taku en un kin sdonya, heon etanhan.

Johannes 21:5

Unkan Jesus hewicakiya, Hokśiyopa, taku yutapi duhapi he. Unkan, Hiya, eyapi.

Olianyanpi kin 14:9

He Palos ie cin naḣon; unkan he opaḣta yanke c̣a, wacinyanpi on ni kte cin yuha e wanyaka,

Olianyanpi kin 19:12

Hecen iye tancan kin etanhan, napipakinte qa mskuakaḣpe kin wayazanpi kin en akipi; unkan wowayazan kin ayuśtan iyaye c̣a, taku wakan śicapi kin tankan inanpapi.

Olianyanpi kin 23:11

Unkan he iḣtayetu, hehan Itancan kin en hinajin qa, Palos cante waśte wo, Jerusalem en mayadaotanin kin he iyecen Roma ekta mayadaotanin kta ce, eciya.

Roma 5:11

Qa hecedan śni, tuka nakun Wakantanka kin en unkiyuśkinpi, Jesus Messiya Itancan unkiyapi kin eciyatanhan, he etanhan nakaha wookiye unhapi.

Jakob 2:18

Han, tuwe heye kta; Niye wacinyan yaun, qa miye wicoḣan mduha; hecen wacinyaye cin he nioḣan codan makipazo wo, kinhan mioḣan kin on wacinwaye cin he cicipazo kta ce.