Mattheos 8:8 - Dakota Wowapi Wakan Kin

⁸ Hehan akicita opawinge wicayuhe cin he ayupte c̣a heya; Itancan, wati en timahen yau kta iyemacece śni; tuka oie kin ecedan eya wo, kinhan hokśidan mitawa asni kta:

Mattheos 8:8 Iomraidhean Croise

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Mattheos 3:14

Tuka Johannes teḣinda qa heya; Baptem mayaqu kta iyemaceca, qa niś en mayahi he.

Mattheos 8:3

Unkan Jesus nape ekta yekie c̣a yutan, qa heciya; Wacin; hecen asni wo. Unkan ecehnana wowayazan kin ayuśtan.

Mattheos 8:7

Unkan Jesus heciya; Wau qa aśniwaye kta.

Mattheos 8:9

Miś eya wicaśta itancan hemaca, qa akicita wicamduha; unkan wanji, Ya wo, ewakiya eca, ya ece; qa wanji tokeca, U wo, ewakiya eca, u ece; qa mitaokiye, Kaken econ wo, ewakiya eca, ecen econ ece.

Lukas 15:19

Qa detanhan cincamayaye kta iyemacece śni; wicaśta opewicayaton kin he iś wanji iyececa makaga wo, epe kta ce.

Lukas 15:21

Unkan cinhintku kin heciya; Ate, maḣpiya kin en qa niye nitokam wawaḣtani; qa detanhan cincamayaye kta iyemacece śni ce.

Lukas 5:8

Unkan Simon Inyan he wanyake c̣ehan, Jesus hupahu kin en makata eḣpeic̣iye c̣a heya; Itancan, eḣpeya imayaya wo, wicaśta waḣtani sa hemaca ce.

Johannes 1:27

Tuwe mihektam u kte ciqon, tuka mitokam yawapi kin hee; tahanpe kin wakiyuśdoke kta eśta owakihi śni ce.