Mattheos 8:6 - Dakota Wowapi Wakan Kin

⁶ Qa heya; Itancan, hokśidan mitawa tiyata wanka ṭaṭaka, nina yazan.

Mattheos 8:6 Iomraidhean Croise

Mattheos 4:24

Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Mattheos 8:7

Unkan Jesus heciya; Wau qa aśniwaye kta.

Mattheos 9:2

Unkan iho, wicaśta ṭaṭake cin wan owinja akan wanka e he en ahipi. Unkan Jesus wacinyanpi kin wanyake c̣ehan ṭaṭake cin heciya; Cinś, cante waśte wo; wayaḣtani kin nicicajujupi ce.

Olianyanpi kin 10:7

Unkan maḣpiya ohnihde Kornelios okiye cin he wanna kihda, hehan tiawanyag wicakiye cin nom, qa akicita waśte ohinniyan tankiyadan wicahduhe cin wanjidan, hena wicakico;

Olianyanpi kin 8:7

Taku wakan śica hotankakiya hotaninyan tona wicayuhnaśkinyanpi kin etanhan inanpapi, qa tona ṭaṭapike cin huśtepi ko ota okizipi.

Olianyanpi kin 9:33

Qa wicaśta wan Eneas eciyapi hen wanyaka; he waniyetu śahdogan makan wanka, ṭaṭaka ececa.

Kolosse 3:11

He en, Helenes, qa Juda wicaśta wanica; bakiḣdayapi qa bakiḣdayapi śni kin wanica; Ikcewicaśta qa Skuthes wicaśta kin wanica; wowidake un kin heca qa tawaiciyapi kin wanica, tuka Messiya he ocowasin, qa owasin en un.

Kolosse 4:1

Unkan, itancan yaunpi kin, tona wowidake wicaduhapi kin hena, taku owotanna qa iyecetu kin wicaqu po; maḣpiya ekta wanji Itancan yayapi yanke cin he sdonyayapi.

I. Timotheos 6:2

Qa tona itancan wacinyan unpi kin heca ihukuya unpi kinhan, hena śicewicakidapi kte śni, om hunkawanjinkiciyapi kin heon; tuka hena wacinyan unpi, qa waśtewicadakapi, qa taku waśte kin en owicakicipapi kin heon sanpa owicakiyapi kta. Hena hecen onspewicakiye c̣a wahokonwicakiya wo.

Philemon 1:16

Wanna wowidake unpi kin iyecece śni, tuka wowidake kin ikapeya waśte, hunkawanjinkiciyapi waśtekidapi kin iyecen; miś hecen wacin wakiyuze cin, niye iyotan hecen wacin yakiduze kta, wicaceḣpi qa Itancan kin nakun eciyatanhan hunkawanjinyaye kta.