Mattheos 7:7 - Dakota Wowapi Wakan Kin

⁷ Da po, kinhan nic̣upi kta; ode po, kinhan iyeyayapi kta; en katoto po, kinhan niciyuḣdokapi kta.

Mattheos 7:7 Iomraidhean Croise

Mattheos 18:19

Akeś heciciyapi; Tuwe nom maka akan taku wanjidan yadapi kta e wayeconzapi kinhan, Ate maḣpiya ekta un kin he ecen ecawicakicon kta.

Mattheos 21:22

Qa taku tona wocekiye eya yadapi, qa wicayadapi kinhan, hena owasin duhapi ece e kta.

Mattheos 6:33

Tuka Wakantanka tokiconze kin he tokaheya akita po, qa toowotanna nakun; kinhan dena taku owasin koya nic̣upi kta.

Mattheos 7:11

Heon etanhan niye niśicapi eśta, taku waśte nicinca wicayaqupi kta onnispepi ehantanhan, Niyatepi maḣpiya ekta un kin he, sam iyeya tona kidapi kin, taku waśteśte wicaqu ece e kta.

Mattheos 7:8

Tuwe da eca icu ece; qa tuwe ode eca iyeya ece; qa tuwe tiyopa katoto eca he kiciyuḣdokapi ece.

Markos 11:24

Heon etanhan heciciyapi; Ceyakiyapi eca taku tona yacinpi kin hena iyacupi e wicada po, kinhan hena duhapi kta.

Lukas 13:25

Tipi tawa kin tohan wanna najin hiyaye, c̣a tiyopa kin ecen ikikcu, qa itankan nayajinpi, qa tiyopa yakatotopi, qa; Itancan, Itancan, unkiciyuḣdoka miye, ehapi; qa iye waayupte c̣a, Tonitanhanpi kin sdonwaye śni ce, eniciyapi kta;

Lukas 18:1

Unkan wicaśta kin ohinnian wocekiye eyapi kta, qa iyakicunnipi kte śni e on wiyacinpi wan owicakiyaka;

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 15:7

Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 3:11

Tuwedan okaḣnige śni; tuwedan Wakantanka akite śni;

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Jakob 5:15

Unkan wacinyan cekiyapi kin he wayazanke cin asniye kta; qa Itancan kin he najinkiye kta; qa woaḣtani econ hecinhan, hena kicicajujupi kta.

I. Johannes 3:22

Qa taku unkidapi kin owasin unkicupi ece, tawoahope kin unkiciyuhapi, qa taku iye iśta kin en iyokipi kin he econkupi, heon etanhan.