Mattheos 7:5 - Dakota Wowapi Wakan Kin

⁵ Wanaic̣iḣman, tokaheya cankaga iśta ohna niyanke cin he hduśdoka wo; qa hehan takuśni nisunka iśta ohna yanke cin he iyacu kta tanyan wandake kta.

Mattheos 7:5 Iomraidhean Croise

Mattheos 22:18

Unkan Jesus taku śica en wicaun kin he sdonya qa heya; Wananic̣iḣmanpi, tokeca iyutanmayayapi he:

Mattheos 7:3

Qa nisunka iśta kin en takuśni yanka e tokeca wandaka he; qa cankaga wan niiśta ohna yanke cin he wanyahdake śni.

Mattheos 7:4

Qa iś token nisunka, Ito niiśta kin etanhan takuśni kin icicicu kta, eyakiye kta he; qa iho, cankaga wan niiśta ohna yanka ce.

Mattheos 7:6

Taku tona wakan kin hena śunka wicaqupi śni po, qa inyan teḣika nitawapi kin kukuśe wicitokam eḣpeyapi śni po; okinni siha on amanipi kta, qa akeś hdicupi qa niyaḣdecapi kta.

Lukas 12:56

Wanaic̣iḣmanpi kin, niś maḣpiya ite kin maka ko iyukcan oyakihipi; tuka tokeca e nakaha kin idukcanpi śni he.

Lukas 13:15

Unkan Itancan kin waayupte c̣a heciya; Wanaic̣iḣbe cin, niyepi otoiyohi, anpetu wakan, tatanka qa iś śonśonna nitawapi kin yakiduśkapi qa miniyatkekiya adapi śni he.

Lukas 4:23

Unkan hewicakiya; Awicakehan iapi kin de ecen emayakiapi kta; Niye pejihuta wicaśta kin, asniic̣iya wo: Kapernaum ekta token ecanon naunḣonpi kin, makoce nitawa kin den nakun ecen econ wo.

Lukas 6:42

Qa, Misunka, sukaza iśta ohna niyanke cin he ito ciciyusdoke kta ce, token nisunka eyakiye kta he, qa icunhan niye niiśta kin ohna cankaga wanke cin he wanyahdake śni. Wanayakiḣbe cin, niś tokaheya cankaga iśta ohna niwanke cin he ito tokan eḣpeya wo; qa hehan hinakaha nisunka iśta kin ohna sukaza yanke cin he yeciyuśdoke kta mdesya wandake kta ce.

Olianyanpi kin 19:15

Tuka woniya śice cin he waayupte c̣a, Jesus sdonwaye c̣a, Palos nakun sdonwaya, tuka niś nituwepi he, eya.