Mattheos 7:21 - Dakota Wowapi Wakan Kin

²¹ Tona, Itancan, Itancan, emakiyapi kin owasin maḣpiya wokiconze kin en yapi kte śni; tuka tuwe Atewaya maḣpiya ekta un kin tawacin kin ecen econ kinhan hee en un kta.

Mattheos 7:21 Iomraidhean Croise

Mattheos 12:50

Tuwe kaśta Ate maḣpiya ekta un tawacin kin ecen econ kinhan he mihunkawanji qa mitawinoḣtin qa mihun ee.

Mattheos 16:17

Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:19

Akeś heciciyapi; Tuwe nom maka akan taku wanjidan yadapi kta e wayeconzapi kinhan, Ate maḣpiya ekta un kin he ecen ecawicakicon kta.

Mattheos 18:3

Qa heya; Awicakehan heciciyapi; Nihduhomnipi śni, qa hokśiyoqopa iyenicecapi śni kinhan, maḣpiya wokiconze kin en yaipi kte śni.

Mattheos 18:35

He iyecen, Ate maḣpiya ekta un kin ecaniconpi kta, otoiyohi cante eciyatanhan nisunkapi tona waniciḣtanipi kin wicayecicajujupi śni kinhan,

Mattheos 19:24

Qa ake heciciyapi; Kamel wan tahiniśpaciqadan oḣdoka ohna iyaye kte cin he teḣike śni, qa wicaśta wijica Wakantanka tokiconze kin en ye kte cin he teḣika.

Mattheos 25:10

Unkan he opeton iyayapi, hehan tawicu ton kte cin he hi; unkan tona wiyeya unpi kin hena wakankiciyuzapi kte cin en kici iyayapi; hehan tiyopa kin ecen icupi.

Mattheos 25:21

Unkan yuhe cin heciya; Han, wowidake waśte qa wacinyepica; taku tonana on wacinyepica yaun, taku ota yuheciciye kta; niyuha towiyuśkin kin en opa wo.

Mattheos 26:39

Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Markos 3:35

Tuwe Wakantanka tawacin kin ecen econ kinhan, he mihunkawanji ee, mitawinoḣtin qa inawaye cin nakun.

Markos 9:47

Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Lukas 13:25

Tipi tawa kin tohan wanna najin hiyaye, c̣a tiyopa kin ecen ikikcu, qa itankan nayajinpi, qa tiyopa yakatotopi, qa; Itancan, Itancan, unkiciyuḣdoka miye, ehapi; qa iye waayupte c̣a, Tonitanhanpi kin sdonwaye śni ce, eniciyapi kta;

Lukas 18:25

Wicaśta wijica wan Wakantanka tokiconze kin en ye kte cin he teḣika, qa kamel heca wanji tahinśpaciqadan oḣdoka kin ohna ye kte cin hee kaeś aoptetu ce.

Lukas 6:46

Unkan tukeca, Itancan, Itancan, emayakiyapi ece, qa taku epe cin ecen ecanonpi śni he.

Johannes 14:7

Sdonmayayapi unkanś nakun Atewaye cin sdonyayapi kta tuka; qa detanhan sdonyayapi qa wandakapi ce.

Johannes 15:23

Tuwe śice madake cin he nakun Atewaye cin śice daka.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Johannes 5:17

Unkan, Ate nahaḣin ḣtani he etanhan miśeya ḣtawani, Jesus ewicakiya.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Johannes 7:17

Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

Roma 2:13

Wakantanka ekta tona woope naḣonpi kin hena owotanna kin eepi śni, tuka tona woope kin ecen econpi kin hena owotanna wicayawapi kta.

Ephesos 6:6

Wanniyakapi ecedan śni, wicaśta iyokipiwicayapi kin iyececa; tuka Messiya taokiye kin iyececa, nagi kin eciyatanhan, Wakantanka tawacin kin ecen ecanonpi kta.

Kolosse 4:12

Epaphras enitanhanpi kin, Messiya taokiye kin hee nape niyuzapi; he ohinniyan wocekiye en, niyepi on nina cekiya, Wakantanka tawacin kin owasin en, owotanna, qa ecedan nayajinpi kte cin heon.

I. Thessalonike 4:3

Wakantanka niyuecepidan kin he tawacin kin he dee, wiinaḣmanpi kin en nihdoyapi kte śni;

I. Thessalonike 5:18

Taku owasin on wopida eya po. He niyepi on Jesus Messiya en Wakantanka tawacin kin hee.

Titos 1:16

Hena iś Wakantanka sdonyapi keyapi, tuka wicoḣan on aktapi śni, waḣtepi śni, wanaḣonpi śni, qa wicoḣan waśte owasin en wacintonpi śni.

Hebrew 13:21

Iye tawacin kin ecen ecanonpi kta e, wicoḣan waśte owasin en niyusutapi kte, qa taku iye iśta kin en oiyokipi kin ecaniconpi kta, Jesus Messiya eciatanhan; he wowitan owihane wanica kicihan nunwe.

Hebrew 4:6

Heon etanhan, hunḣ en opapi kte cin he tokata ihan, qa tuna tokaheya wotanin waśte owicakiyakapi qon hena wicadapi śni kin heon en opapi śni.

Jakob 1:22

Tuka wicoie kin ecen econ po, qa iye ic̣ihnayanpi, naḣonpi ecedan, unpi śni po.

I. Inyan 2:15

Hecen Wakantanka tawacin, tanyan oyaḣandapi kin on wicaśta witkotkoka wiyukcan śni kin hena inina yankewicayakiyapi kta.

I. Inyan 4:2

Hecen, hetanhan icimana wicaceḣpi eciyatanhan ni kte śni, wicaśta taku śica cantiheyapi kin en, tuka Wakantanka tawacin kin eciyatanhan.

Wayuotanin 2:27

Qa maza icapsinte wan on wicayuhe c̣a maka wakśica iyecen wicakamdece kta ce; hecen Ate etanhan hduha waun.

Wayuotanin 22:14

Tona tawoahope kin ecen econpi kin hena wicayawaśtepi, hecen wiconi can kin en ya okihipi kta, qa tiyopa kin ohna otonwe kin timahen yapi kta.

Wayuotanin 3:5

Tuwe ohiye cinhan he wokoyake ska koyake kta, qa iye caje kin wiconi wowapi kin etanhan wapejuju kte śni, tuka he caje kin Ate itokam, qa ohnihde wicaye cin hena wicitokam omdake kta.