Mattheos 7:15 - Dakota Wowapi Wakan Kin

¹⁵ Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi.

Mattheos 7:15 Iomraidhean Croise

Mattheos 10:17

Tuka wicaśta iwanwicayaka po; woyaco omniciye kin en aniyanpi kta, qa omniciye tipi yuhapi kin ohna nicapsinpsintapi kta:

Mattheos 16:11

Tokeca oyakahnigapi śni he, Pharisee qa Sadukee on napoḣyapi tawapi kin he kokipe ciśipi, he aguyapi on heciciyapi śni.

Mattheos 16:6

Henan Jesus hewicakiya; Pharisee qa Sadukee on napoḣyapi tawapi kin he iwanyakapi qa kokipa po.

Mattheos 24:11

Qa wicaśta wokcan itonśni ota icagapi kta, qa wicota wicahnayanpi kta.

Mattheos 7:14

Tuka tiyopa kin ciqadan qa canku nakun ocistiyedan wiconi iyahde; qa wicaśta tonana iyeyapi ece.

Lukas 12:15

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Lukas 6:26

Tohan wicaśta owasin tanyan eniciyapi kinhan, woteḣi niciyankapi ece; atewicayapi kin hecen wicaśta wokcan itonśni wicakuwapi qon.

Johannes 10:12

Tuka tuwe odotapi un, qa waawanhdake kin ee śni, qa taḣinca tawa śni kin he śunktokeca an u wanyaka eca, taḣinca kin eḣpewicaye c̣a najica ece; unkan śunktokeca iyawicaḣpaye c̣a ihangwicaya ece.

Olianyanpi kin 13:40

Heon itonic̣ipa po, okinni taku wicaśta wokcan kin en cajeyatapi qon he en nihiyahdepi kta:

Olianyanpi kin 13:6

Unkan wita kin opta yapi, qa Paphos ekta iyohipi qehan, wicaśta wapiyapi econ kin, wicaśta wokcan itonśni, Juda wicaśta kin heca wan, Barjesus eciyapi he wanyakapi:

Galatia 2:4

Qa he nakun hunkawanjinkiciyapi itonpiśni kin heca, hena unkiye token Jesus Messiya on tawa unkic̣iyapi kin he iwanyakapi kta e en hipi, wowidag unyanpi kte cin heon.

Ephesos 4:14

Hecen detanhan hokśiyoqopa aptanptan iyeyapi, qa woonspe tate owasin on kaha iyeyapi kin heuncecapi kte śni, wicaśta ośkiśkeya oḣanyanpi, qa wohnaye on wicahnayanpi wicoḣan kin eciyatanhan;

Ephesos 5:6

Iapi ecinśniyan on ihnuhan tuwe nihnayanpi kin; wicoḣan kin hena on Wakantanka tocanniye kin woakta śni cincapi kin en awicau kta.

Philippi 3:2

Śunka kin on waktaya un po; tona śicaya econpi kin on wakta po; wayuśpapi kin on waktaya un po.

Kolosse 2:8

Ihnuhan wicoksape eyapi kin on, qa ikce wohnaye kin on tuwe nihnayanpi kinhan, wicaśta hitunkakanpi oyakapi kin on, qa wicoicage en woonspe tokaheya eciyatanhan, qa Messiya eciyatanhan śni:

II. Timotheos 3:13

Tuka wicaśta śica, wicahnayanpi sa ko, hena sanpa śicapi kta, wicahnayanpi qa nakun hnayanpi kta.

II. Timotheos 4:3

Anpetu wan u kte cin he tohan hi kinhan, woonspe waśte kin aktapi kte śni, tuka iye wicotawacin śice cin eciyatanhan waonspekiyapi kin awicakitapi kta, noge yaśpuyapi se iyececa heon etanhan.

II. Inyan 3:17

Heon etanhan, waśtecicidapi kin, niś niyepi hena itokam sdonyayapi, heon ihnuhan wicaśta śica wohnaye kagapi kin nihnayanpi, qa sutaya nihdepi kin etanhan nihinḣpayapi kinhan.

I. Johannes 4:1

Waśtecicidapi kin, ihnuhan woniya owasin wicayadapi kinhan; tuka woniya kin wicayukcan po, Wakantanka etanhan unpi kinhan; wicaśta wokcan itonpiśni ota wanna wicoicage kin ehna iyayapi.

Judas 1:4

Wicaśta wanjikśi naḣmana en opapi, wanakajatanhan woyaco kin de on owicawapi; hena Taku Wakan iyececapi śni, qa Wakantanka unkitawapi towaonśida kin he wicowicaśtaśni kagapi, qa Wakantanka ecedan Itancan kin he anaḣmanpi, qa nakun Jesus Messiya Itancan unyanpi kin.

Wayuotanin 16:13

Unkan wamduśka i kin etanhan, qa wamanica i kin etanhan, qa woitonśni wokcan kin he i kin etanhan, taku wakan śica yamni, hnaśka iyececa, hena hiyu wanmdaka.

Wayuotanin 17:6

Unkan wicaśta owotanna we kin winoḣinca kin he iwitko wanmdaka, qa tona Jesus yaotaninpi kin hena we kin on. He wanmdake c̣a nina imanihan waun.

Wayuotanin 19:20

Hehan wamanica kin he niyake yuzapi, qa woitonśni wokcan kin he nakun, he wamanica kin itokam wowapetokeca econ, qa on tona wamanica wowapetogton tawa yuhapi, qa iyacinpi kin ohodapi kin hena wicahnaye cin hee. Unkan hena napin niyake peta mde wan inyan zi on itkonyahe cin he en iyoḣpewicayapi.

Wayuotanin 20:10

Unkan Wakanśica, hena wicahnaye cin he peta qa inyanzi mde kin en iyoḣpeyapi, heciya wamanica qa woitonśni wokcan kin unpi, qa anpetu hanyetu ko owihanke wanin kakijapi kta.