Mattheos 7:13 - Dakota Wowapi Wakan Kin

¹³ Tiyopa ciqadan kin he ohna ya po; Tiyopa kin tanka qa canku nakun tanka wicotakuniśni iyahde, qa ohna iyayapi kin wicota ḣinca.

Mattheos 7:13 Iomraidhean Croise

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 25:46

Unkan dena owihanke wanin wokakije kin en yapi kta; tuka wicaśta owotanna kin hena owihanke wanin wieoni kin en yapi kta.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 3:8

Heon etanhan ihduecetupi kta iyececa waskuyeca icaḣya po:

Mattheos 7:14

Tuka tiyopa kin ciqadan qa canku nakun ocistiyedan wiconi iyahde; qa wicaśta tonana iyeyapi ece.

Lukas 14:33

Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.

Lukas 9:33

Unkan hena eḣpeya kihdapi icunhan, Inyan Jesus heciya; tancan, den unkanpi kte cin he waśte; ito wakeya yamni unkagapi kta, wanji niye, qa wanji Moses, qa wanji Elias, hecen unnicicagapi kta; taku eye cin he sdonkiye śni.

Johannes 10:9

Tiyopa kin he miye; tuwe miye eciyatanhan ti iyoḣpaye cinhan ni kta; qa mahen ye c̣a tankata inanpa eca wato tanyan iyeye kta.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;

Roma 9:22

Hecen Wakantanka wocanniye kin hdutanin kta cin, qa towaśake kin sdonye unkiyapi kta e on wocanniye wakśica wicotakuni śni kicagapi qon hena wawacinkta yuza tanka on wicakuwa kinhan;

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

II. Korinth 6:17

Heon etanhan hena cokaya tanhan tankan upi, qa icunonpa un po, Itancan kin eya, qa taku aśape cin oyutanpi śni po, kinhan miś tawa ciyapi kta;

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Philippi 3:19

Hena owihanke kin he wicotakuniśni; iye tezipi kin Wakantanka yapi, wowiśtece kin en iwinktapi, qa taku makata un kin awacinpi ece.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.

Wayuotanin 20:3

Qa wośbe ceteta wanica he en eḣpeye c̣a onataka, qa ipuspe wan on apuspa, hecen oyate kin wicahnaye kte śni, waniyetu kektopawinge kin ihuniyanpi śni kin hehanyan. Unkan he iyohakam ptenyedan kiyuśkapi kta.