Mattheos 6:9 - Dakota Wowapi Wakan Kin

⁹ Heon etanhan kaken cekiya po; Ate unyanpi maḣpiya kin en; Nicaje wakandapi kte;

Mattheos 6:9 Iomraidhean Croise

Mattheos 10:29

Zitkadan nom mazaśa wanjidan iyopeyapi śni he; qa etanhan wanjidan kaeś Niyatepi codan makata iḣpaye kte śni.

Mattheos 23:9

Qa nakun maka akan tuwedan, Ate, eciyapi śni po; Wanji maḣpiya ekta un kin he Ateyayapi.

Mattheos 26:29

Tuka heciciyapi, Detanhan hastanhanka iyuwi waskuyeca kin etanhan icimana mdatke kte śni, Ate tokiconze kin en anpetu wan teca unyatkanpi kte cin hehanyan.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 5:48

Heon etanhan Niyatepi maḣpiya ekta un kin he owotanna ḣinca he iyecen niś eya owotanna ḣinca un po.

Mattheos 6:14

Niye wicaśta waḣtanipi wicayecicajujupi kinhan, Niyatepi maḣpiya ekta un kin he nakun niye nicicajujupi kta.

Mattheos 6:6

Tuka niye qe ceyakiye cinhan, tipi cistinna nitawa kin en timahen yakiyahde c̣a tiyopa ecen iyacu kinhan, hehan Niyate naḣmana un kin he cekiya wo, qa Niyate naḣmana wawanyaka ece kin he taninyan nicicajuju kta.

Mattheos 7:11

Heon etanhan niye niśicapi eśta, taku waśte nicinca wicayaqupi kta onnispepi ehantanhan, Niyatepi maḣpiya ekta un kin he, sam iyeya tona kidapi kin, taku waśteśte wicaqu ece e kta.

Lukas 15:18

Ito nawajin qa ate ekta wahde kta, qa hewakiye kta; Ate, maḣpiya kin en, qa niye nakun nitokam wawaḣtani:

Lukas 15:21

Unkan cinhintku kin heciya; Ate, maḣpiya kin en qa niye nitokam wawaḣtani; qa detanhan cincamayaye kta iyemacece śni ce.

Lukas 2:14

Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

Roma 8:15

Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.

Galatia 1:1

Palos yewicaśipi kin heca, wicaśta akantu kin etanhan śni, qa wicaśta on kagapi śni, tuka Jesus Messiya etanhan, qa Wakantanka Ateyapi kin, he wiconṭe etanhan najin kiye cin he nakun etanhan;

Galatia 4:6

Unkan cinkśiniyanpi kin heon Wakantanka iye Cinhintku Taniya kin nicantepi kin en niu śipi, he, Abba, Ate, eya howaya ece.

I. Timotheos 6:16

He isnana wiconi hduhe c̣a, iyoyanpa en hiyohipica śni kin he en ounyan, wicaśta kin tuwedan he wanyake śni, qa nakun wanyaka okihi kte śni; he wowitan, qa wowaśake owihanke wanin kiciun nunwe.

I. Inyan 1:17

Qa Ateyapi kin wicaśta itohnake iwanyake śni wicaśta otoiyohi iye oḣan kin eciyatanhan wicayukcan ece kin he hoyeyakiyapi kinhan, tohanyan den unhdaka yaunpi kin kokipeyahan un po.

Wayuotanin 4:11

Itancan, wowitan, qa wootanin, qa wowaśake iyacu kta e iyenihantu, taku owasin yakage c̣a nitoiyokipi kin on owasin kagapi qa ecen han.

Wayuotanin 5:12

Hotankakiya heyapi, Amnos wośnapi qon he wowaśake, qa woyuha, qa woksape, qa wicookihi, qa wootanin, qa wowitan, qa wowaśte henakiya icu kta okihi ce.