Mattheos 6:5 - Dakota Wowapi Wakan Kin

⁵ Qa tohan ceyakiya eca wanaic̣iḣmanpi kin iyenicece kte śni; hena eqe omniciye tipi qa canku oise kin en najin cekiyapi waśtedakapi ece, wicaśta wanwicayakapi kta e heon; awicakehan heciciyapi; Hena wokajuju hduhapi ece.

Mattheos 6:5 Iomraidhean Croise

Mattheos 21:22

Qa taku tona wocekiye eya yadapi, qa wicayadapi kinhan, hena owasin duhapi ece e kta.

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Mattheos 23:5

Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.

Mattheos 23:6

Wotapi en oyanke waśteśte cinpi, qa omniciye tipi kin ohna wankan iyotankapi kte cin he waśtedakapi ece:

Mattheos 6:1

Wicaśta itokam ihnuhan taku ituyaḣanpi kinhan, wanniyakapi kta heon; hecen ecanonpi kinhan Niyatepi maḣpiya ekta un kin he takudan nic̣upi kte śni.

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Mattheos 6:2

Heon etanhan tohan taku wicayaqu kta hecinhan nitokam cotanka yajowicayakiye kte śni, wanaic̣iḣmanpi kin omniciye tipi qa canku ohna econpi ece kin iyececa, wicaśta on wicayatanpi kte cin heon; awicakehan heciciyapi; Hena wokajuju hduhapi ece.

Mattheos 9:38

Heon etanhan woksapi en Itancan kin iye tamaga kin en wicaśta ḣtanipi kte cin hena hiyuwicaye kta icekiya po.

Markos 11:25

Unkan cekiya nayajinpi kinhan, tuwe taku on yeksuyapi kinhan kicicajuju po; hecen Ateyayapi maḣpiya ekta yanke cin he wayaḣtanipi kin nicicajujupi kta.

Markos 12:38

Unkan wowicakiyaka icunhan hewicakiya; Wowapi kagapi kin kowicakipa po, hena wokoyake hanskaska kic̣un waśtedakapi, qa wopeton tipi kin ohna owicakiyapi kta nakun:

Lukas 11:43

Pharisee kin niyepi woteḣi niciyankapi ece; omniciye tipi kin en oyanke waśteśte kin hena waśteyadakapi ece, nakun wopeton tipi kin ekta yaonihanyan oniciyapi kin.

Lukas 18:1

Unkan wicaśta kin ohinnian wocekiye eyapi kta, qa iyakicunnipi kte śni e on wiyacinpi wan owicakiyaka;

Lukas 18:13

Unkan wamnaye cin iś itehanyan inajin, qa iśta ee kaeś wankan maḣpiya kin ekta ikikcu śni; tuka maku kin ohna aic̣ipe, ca heya; Wakantanka onśimakida wo, wawaḣtani sa.

Lukas 20:47

Qa wiwazica tipi tawapi kin temyapi; qa ihdutaninpi kta on wocekiye hanska eyapi ece; hena iś iyotan woyaco tanka iyahdeic̣iyapi kta ce.

Lukas 6:24

Tuka winijicapi kin niś wotehi niciyankapi ece; wicocante waśte kin he wanna yahduhapi

Johannes 16:24

Nahaḣin dehanyan micaje on takudan yadapi śni. Da po, iyacupi kta, hecen wowiyuśkin ojudannic̣iyapi kta.

Ephesos 6:18

Wocekiye qa wokidapi owasin on Woniya kin en, ohinniyan tona owotanna un kin on cekiya po, qa heon woape owasin wokidapi ko yuha kiktahan un po:

I. Thessalonike 5:17

Ayaśtan śni cekiya po.

Jakob 4:6

Tuka sanpa wowaonśida wicaqu ece; heon heya, Wakantanka waḣanic̣idapi kin wicakipajin, tuka tona onśikiḣanpi kin hena wowaonśida wicaqu ece.