Mattheos 6:13 - Dakota Wowapi Wakan Kin

¹³ Qa taku wawiyutanyan un kin en unkayapi śni po, tuka taku śice cin etanhan eunhdaku po: Wokiconze kin he niye nitawa, qa wowaśake kin, qa wowitan kin, owihanke wanic̣a. Amen.

Mattheos 6:13 Iomraidhean Croise

Mattheos 26:41

Kiktahan unpi qa cekiya po, okinni taku wawiyutanyan un kin en idadapi nun ce. Wicanagi kin he wicada, tuka wicaceḣpi kin waśake śni.

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Mattheos 5:37

Tuka taku ehe cin, Han, han; Hiya, hiya, ecedan kta; taku dena sanpa kinhan he taku śica etanhan icage kta.

Mattheos 6:10

Nitokiconze u kte; Nitawacin ecen econpi nunwe, maḣpiya kin en iyececa, nakun makaakan:

Johannes 17:15

Oyate kin detanhan ewicayahdaku kta e heon wocekiye eciciye śni, tuka taku śice cin he en anawicayecipte kta e heon.

I. Korinth 10:13

Wowiyutanyan wan wicaśta sdonyapi śni ece kin en uniupi śni. Wakantanka wacinyepica, hecen wawoyakihipi kin isanpa iyutanniyanpi kta iyowinye kte śni, tuka wowiyutanyan kin he enakiye kta, hecen oyakihipi kta.

I. Korinth 14:16

He hecece śni kinhan, ninagi on wopida eha eca, tuwe onspe śni en iyotanke cin he token, wopida ehe cin en, Amen eye kta he, taku ehe cin sdonye śni nakaeś.

II. Korinth 1:20

Wakantanka iwahounyanpi kin hena owasin iye en, Han hee, qa iye en Amen, unkiyepi kin etanhan Wakantanka yatanpi kte cin heon.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

I. Thessalonike 1:10

Qa iye Cinhintku kin maḣpiya eciyatanhan u ayapepi kta, he wiconṭe etanhan najin kiya, Jesus wocanniye u kte cin etanhan eunhdakupi kin hee.

II. Thessalonike 3:3

Tuka Itancan kin he wacinyepica, he niyusutapi, qa taku śica etanhan enihdakupi kta.

I. Timotheos 1:17

Hecen Wicaśtayatapi owihanke wanica, ṭepica śni, qa wanyakepica śni un kin, Taku Wakan ecedan ksape cin hee, woyuonihan, wowitan ko, owihanke wanin kicihan nunwe.

Hebrew 11:36

Qa wanjikji waaiapi, qa nina wicakaśtakapi kin on iyutanpi, qa nakun maza icicaḣiḣa, kaśka wicahnakapi ko on.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

II. Inyan 2:9

Itancan kin wicaśta waśte wowiyutanye kin etanhan token ewicahdaku kta sdonya, qa nakun wicaśta owotanna śni kin woyaco anpetu kin hehanyan wicayuhe kta, śitkihdawicayapi kta e heon:

I. Johannes 3:8

Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.

Wayuotanin 1:18

Tuwe ṭe c̣a ake kini, qa ito owihanke wanin ni waun; Amen; qa Wakanśica ti kin wiconṭe ko tiyopa iyuḣdoke kin yuha manka ce.

Wayuotanin 19:1

Unkan hena iyohakam maḣpiya kin ekta wicota hotankakiya hotaninpi nawaḣon, kaken eyapi, Jehowa yatan po, niwicaye c̣a, wowitan, qa wootanin, qa wowaśake, Itancan Wakantanka unkitawapi kin he tawa nunwe.

Wayuotanin 19:4

Hehan hunkawicayapi wikcemna nonpa sanpa topa, qa taku ni un topa kin hena makata eḣpeic̣iyapi, qa Wakantanka oiyotanke kin akan kiyotanke cin he ohodapi, qa heyapi, Amen, Jehowa yatan po.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 21:4

Qa wiciśta kin etanhan Wakantanka iśtamnihanpe owasin wicakipakinte kta, qa hetanhan wiconṭe wanice kta, wicocante śica, wicaceya, wicokakije ko wanice kta, taku tokaheya un kin wanna henakeca.

Wayuotanin 3:10

Woape oie mitawa kin he awandake cin, heon tohan taku wawiyutanyan un kin tona maka owancaya unpi kin iyutanwicaye kta u kinhan, hehan awanciyake kta.

Wayuotanin 3:14

Unkan Laodikia ekta okodakiciye ohnihde yuhapi kin he ecen wowapi kicaga wo; Tuwe Amen eciyapi, waayatanin owotanna, qa wicaka, Wakantanka woicage tawa otokahe kin hee hecen eya;

Wayuotanin 5:13

Unkan taku maḣpiya ekta un, qa taku maka akan un, qa taku maka ihukuya tanhan un, qa taku miniwanca mahen un, hena taku ohnaka ko owasin kaken eyapi nawaḣon; Tuwe oiyotanke kin akan kiyotanke cin Amnos kin kici wowaśte kin, wootanin kin, wowitan kin, qa wowaśake kin henakiya owihanke wanin tawapi nunwe.