Mattheos 6:10 - Dakota Wowapi Wakan Kin

¹⁰ Nitokiconze u kte; Nitawacin ecen econpi nunwe, maḣpiya kin en iyececa, nakun makaakan:

Mattheos 6:10 Iomraidhean Croise

Mattheos 12:50

Tuwe kaśta Ate maḣpiya ekta un tawacin kin ecen econ kinhan he mihunkawanji qa mitawinoḣtin qa mihun ee.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 4:17

Unkan hetanhan Jesus woyaka aye c̣a heya ece; Ihduecetu po, maḣpiya wokiconze kin wanna kiyedan u ce.

Mattheos 7:21

Tona, Itancan, Itancan, emakiyapi kin owasin maḣpiya wokiconze kin en yapi kte śni; tuka tuwe Atewaya maḣpiya ekta un kin tawacin kin ecen econ kinhan hee en un kta.

Markos 11:10

Dawid ateunyanpi tokiconze Itancan caje kin on u kin he yawaśtepi: Osanna iyotan tehan wankantu.

Markos 3:35

Tuwe Wakantanka tawacin kin ecen econ kinhan, he mihunkawanji ee, mitawinoḣtin qa inawaye cin nakun.

Lukas 19:11

Unkan hena naḣonpi qehan nakun wiyacinpi wan owicakiyaka; wanna Jerusalem ikiyedan un, qa Wakantanka tokiconze kin ecadan u kta kecinpi kin heon etanhan:

Lukas 19:38

Qa heyapi; Wicaśtayatapi tuwe Itancan caje kin on u kin he yawaśtepi ce; maḣpiya ekta Wookiye, qa iyotan wankantu ekta wowitan un nunwe.

Lukas 22:42

Qa heya; Ate hecen nitawacin kinhan, miniyatkan kin de tokan imiciyaye kta; tuka miye mitawacin kin hee śni, niye nitawacin kin hee ecen econpi nunwe.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Johannes 7:17

Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Olianyanpi kin 13:22

Qa he ḣeyata iyeye c̣ehan, Dawid icaḣwicakiciciye c̣a wicaśtayatapi kaga; he oyake c̣a heya, Dawid Jesse cinhintku kin he iyewakiya, wicaśta waśte wakidake cin, he mitawacin kin ocowasin ecen econ kta ce.

Olianyanpi kin 21:14

Unkan wicada śni qehan, unkayaśtanpi qa, Itancan tawacin kin ecen econpi nunwe, unkeyapi.

Olianyanpi kin 22:14

Hehan iye heya; Hunkake wicunyanpi Wakantanka tawapi kin nicaḣniga, iye tawacin kin sdonyaye kta, qa Wanji Owotanna kin wandake c̣a, he i kin eciyatanhan ho kin nayaḣon kta;

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

Ephesos 6:6

Wanniyakapi ecedan śni, wicaśta iyokipiwicayapi kin iyececa; tuka Messiya taokiye kin iyececa, nagi kin eciyatanhan, Wakantanka tawacin kin ecen ecanonpi kta.

Kolosse 1:13

He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:

Kolosse 1:9

Heon anpetu kin he naunḣonpi; kin ehantanhan niyepi on cekiya unkayaśtanpi śni, qa woksape owasin, wookaḣnige ko en, iye tawacin sdonyapi kin on, onijupidan kte cin he unkidapi ece.

I. Thessalonike 4:3

Wakantanka niyuecepidan kin he tawacin kin he dee, wiinaḣmanpi kin en nihdoyapi kte śni;

I. Thessalonike 5:18

Taku owasin on wopida eya po. He niyepi on Jesus Messiya en Wakantanka tawacin kin hee.

Hebrew 1:14

Hena owasin taku wakan wawokiya, tona wiconi aiḣpewicayapi, qa tawapi kte cin hena owicakiyapi kta e u wicaśipi qon hena eepi śni he.

Hebrew 10:36

Wacinnitankapi kta iyececa; hecen Wakantanka tawacin kin ecen ecanonpi kinhan, taku iwahounyanpi kin he iyacupi kta.

Hebrew 10:7

Hehan, Ito wau, wowapi tanka en miye on hecen owapi ce; Wakantanka, nitawacin kin ecen ecamon kta ce, epa.

Hebrew 13:21

Iye tawacin kin ecen ecanonpi kta e, wicoḣan waśte owasin en niyusutapi kte, qa taku iye iśta kin en oiyokipi kin ecaniconpi kta, Jesus Messiya eciatanhan; he wowitan owihane wanica kicihan nunwe.

I. Inyan 2:15

Hecen Wakantanka tawacin, tanyan oyaḣandapi kin on wicaśta witkotkoka wiyukcan śni kin hena inina yankewicayakiyapi kta.

I. Inyan 4:2

Hecen, hetanhan icimana wicaceḣpi eciyatanhan ni kte śni, wicaśta taku śica cantiheyapi kin en, tuka Wakantanka tawacin kin eciyatanhan.

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.

Wayuotanin 12:10

Unkan maḣpiya kin eciyatanhan wicaho wan tanka nawaḣon, hecen eya, Wanna unkita Wakantankapi wiconi tawa, qa towaśake qa tokiconze kin u; qa Mesaiya wicookihi tawa kin nakun; tuwe hunkawanjin wicunkiyapi kin taku iyawicaonpe cin, Wakantanka unkitawapi kin itokam, anpeto hanyetu ko awicaie cin hee kun eḣpeyapi kin heon etanhan.

Wayuotanin 19:6

Unkan nawaḣon, wicota hotaninpi kin iyececa, qa mini ota iḣaḣa kin iyececa, qa wakinyan tanka hotonpi kin iyececa, kaken eyapi, Jehowa yatan po; Itancan Wakantanka Iyotan Waśake cin he Wicaśtayatapi un.

Wayuotanin 20:4

Unkan oiyotanke kin heca wanmdaka, qa tona akan iyotankapi kin hena woyaco yuhapi. Unkan tona Jesus oyakapi kin on, qa Wakantanka oie kin on pa bawicaksapi qon, wamanica kin wakagapi ko ohodapi śni, qa wowapetogton tawa kin itepi, qa napepi kin en yuhapi śni, hena nagipi kin wanwicamdaka, ake kinipi qa Messiya kin kici ounyanpi, waniyetu kektopawinge hehanyan.