Mattheos 6:1 - Dakota Wowapi Wakan Kin

¹ Wicaśta itokam ihnuhan taku ituyaḣanpi kinhan, wanniyakapi kta heon; hecen ecanonpi kinhan Niyatepi maḣpiya ekta un kin he takudan nic̣upi kte śni.

Mattheos 6:1 Iomraidhean Croise

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:6

Henan Jesus hewicakiya; Pharisee qa Sadukee on napoḣyapi tawapi kin he iwanyakapi qa kokipa po.

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Mattheos 23:5

Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.

Mattheos 25:40

Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 5:46

Tona waśtenidapi kin hena waśte wicayadapi kinhan wokajuju taku duhapi he; wamnayanpi kin hena eepi kaeś heconpi śni he.

Mattheos 5:48

Heon etanhan Niyatepi maḣpiya ekta un kin he owotanna ḣinca he iyecen niś eya owotanna ḣinca un po.

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Mattheos 6:9

Heon etanhan kaken cekiya po; Ate unyanpi maḣpiya kin en; Nicaje wakandapi kte;

Markos 8:15

Hehan wahokonwicakiye ca heya; Wahyaka po, qa on napoḣyapi Pharisee tawapi qa Herod tawa kin he kokipa po.

Lukas 11:35

Hecen iyoyanpa en niun kin he otpaze kte śni e wakta wo.

Lukas 12:1

Unkan wicota ḣinca en ahimniciya, hecen akicihanpi ece, hehan waonspewicakiye cin hewicakiya; Tokaheya Pharisee kin on napoḣyapi tawapi kin he itonpa po, he wanaic̣iḣmanpi kin hee ce.

Lukas 12:15

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Johannes 12:43

Wicaśta akantu yaonihanpi kin he iyotan dapi, qa Wakantanka wicayaonihan kin he iś iyotan dapi śni.

Johannes 5:44

Niye iyakitedan nitawootaninpi kin ayecitapi, qa Wakantanka eciyatanhan wootanin kin ayakitapi śni, he token on wicayadapi kta he.

Olianyanpi kin 3:12

Unkan Inyan he wanyake c̣ehan, oyate kin hewicakiya; Israel wicaśta, tokeca he on niyuśinyayapi, qa tokeca opaunḣtapi nayajinpi he; unkiye wowaśake qa wowaśte unhduhapi kin heon wicaśta kin de mani unyanpi kecanunyakinpi seca.

Galatia 6:12

Tona wicaceḣpi ekta waśte ihdutaninpi cinpi kin hena banic̣iḣdayapi kta cinniciyapi, Mesaiya can susbeca tawa kin on śicaya kuwapi kte śni kin heon heconpi.

Hebrew 11:26

Messiya on aiapi kin he, woyuha Egupta en un kin sam iyeya wowijice tanka daka; wokajuju iyunwin kin he awacin kin heon etanhan.

Hebrew 2:1

Heon etanhan taku naunḣonpi; kin hena tohinni unkikusepi kte śni e on sutaya awauncinpi kta.

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

II. Johannes 1:8

Iwanihdaka po, hecen taku unkamnanpi kin toki eḣpeunyanpi kte śni, tuka wokajuju iyakic̣uya unkicupi kta.