Mattheos 5:7 - Dakota Wowapi Wakan Kin

⁷ Tona waonśidapi kin hena wicayawaśtepi; hena onświcadapi kta.

Mattheos 5:7 Iomraidhean Croise

Markos 11:25

Unkan cekiya nayajinpi kinhan, tuwe taku on yeksuyapi kinhan kicicajuju po; hecen Ateyayapi maḣpiya ekta yanke cin he wayaḣtanipi kin nicicajujupi kta.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Roma 11:30

Unkan niś niyepi kin ehanna Wakantanka anayagoptanpi śni, tuka nakaha hena wicadapi śni kin on wowaonśida nic̣upi.

I. Korinth 7:25

Unkan hokśiwinpidan icaḣtagya, Itancan kin eciyatanhan woope tukudan mduhe śni. Tuka miye owotanna waun kta Itancan kin ionśimakida, hecen token wacin mduze cin owahdake kta.

II. Korinth 4:1

Heon etanhan wawokiyapi kin de unhapi kin, wowaonśida unkicupi kin heon wacin ibounśakapi śni.

Ephesos 4:32

Qa otoiyohi okiciciyapi, qa cantekiciyapi, qa otoiyohi kicicajuju po, Wakantanka Messiya on nicicajujupi kin he iyecen.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

I. Timotheos 1:13

He itokam waośtewahda, qa śicaya wicawakuwa, qa waḣanmic̣ida; tuka wicawada śni icunhan hena iyukcan śni ecamon kin heon onśimadapi.

I. Timotheos 1:16

Tuka heon etanhan onśimadapi, hecen miye en tokaheya Jesus Messiya wawacinkta yuza tanka owasin hdutanin kta, wicani kta e on wicadapi kte cin hena waonspewicawakiye kta e heon.

Hebrew 4:16

Heon etanhan wowaśte oiyotanke kin en waditagya unkicupi kta, hecen wowaoniida unkicupi kta, qa tohan uncinpi eca wowaśte wawokihi kin iyeunyanpi ece e kta.

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

I. Inyan 2:10

Ehanna oyate henicapi śni, tuka nakaha Wakantanka taoyate yaunpi; he ehan onśinidapi śni, tuka wanna wowaonśida iyoyahipi.