Mattheos 5:48 - Dakota Wowapi Wakan Kin

⁴⁸ Heon etanhan Niyatepi maḣpiya ekta un kin he owotanna ḣinca he iyecen niś eya owotanna ḣinca un po.

Mattheos 5:48 Iomraidhean Croise

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 5:45

Hecen Ateyayapi maḣpiya ekta un kin he cincaniyanpi yaunpi kta; he qe anpetu wi tawa kin wicaśta śica wicaśta waśte ko en awicahinanpeya ece, qa wicaśta owotanna owotanna śni ko awicamagajuya ece.

Mattheos 5:47

Qa aunka wicayayapi kin henana napewicaduzapi kinhan, taku econpi ece sanpa tukte e ecanonpi he; wamnayanpi kin hena eepi kaeś heconpi śni he.

Lukas 6:36

Hecen Niyatepi kin iś token waonśida kin niś eya he iyecen waonśida po.

Lukas 6:40

Waonspekiyapi kin he waonspekiye cin itokapa śni; tuka tuwe yuśtanpi kin otoiyohi waonspekiye tawa kin iyecece kta.

II. Korinth 13:11

Ehake, hunkawanjin ciyapi kin, wiyuśkin po; oihduśtan un po, cante wuśte po, okonwanjidan awacin po, wokiyapi kin en un po; qa wowaśte, wookiye ko Wakantanka kin nicipi un nunwe.

II. Korinth 13:9

Unkiye waunśakapi śni, qa niye waniśakapi eca unkiyuśkinpi ece. Qa tanyan onihduśtanpi kte cin he uncinpi.

II. Korinth 7:1

Heon waśtecicidapi kin, wahoyapi kin dena unhapi kin heon wicaceḣpi wicanagi ko taku aśape cin etanhan unhduecepidan, qa Wakantanka kokipeyahan wicoowotanna kin tanyan unhduśtanpi kta.

Ephesos 3:1

Heon Ikcewicaśta kin niyepi on etanhan, Palos, Jesus Messiya on kaśka hnakapi kin he miye.

Kolosse 1:28

He unkiye unyaotaninpi, wicaśta kin owasin wahokonwicunkiyapi qa wicaśta owasin onspewicunkiyapi ece, woksape owasin on; hecen Jesus Messiya en wicaśta otoiyohi owotanna inajin wicunkiyapi kta.

Kolosse 4:12

Epaphras enitanhanpi kin, Messiya taokiye kin hee nape niyuzapi; he ohinniyan wocekiye en, niyepi on nina cekiya, Wakantanka tawacin kin owasin en, owotanna, qa ecedan nayajinpi kte cin heon.

Jakob 1:4

Tuka wacintankapi kin he toḣan kin tanyan hduśtan kte; hecen niyuśtanpi qa ocowasin yaunpi kta, qa takudan iyonitpanipi kte śni.

I. Johannes 3:3

Unkan tuwe hecen wacinyan canteyuze cinhan ihduecedan ece, iye kin ecedan un kin iyecen.