Mattheos 5:22 - Dakota Wowapi Wakan Kin

²² Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Mattheos 5:22 Iomraidhean Croise

Mattheos 10:17

Tuka wicaśta iwanwicayaka po; woyaco omniciye kin en aniyanpi kta, qa omniciye tipi yuhapi kin ohna nicapsinpsintapi kta:

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Mattheos 12:24

Tuka Pharisee kin iś he naḣonpi qehan heyapi; Wicaśta kin de wakan śica napewicaye cin he Beelzebub wakan śica itancan kin on hecon ece.

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Mattheos 18:21

Hehan Inyan en hi qa heciya; Itancan, misunka tona wamiciḣtani qa wecicajuju kta he; śakowin hehanyan he.

Mattheos 18:35

He iyecen, Ate maḣpiya ekta un kin ecaniconpi kta, otoiyohi cante eciyatanhan nisunkapi tona waniciḣtanipi kin wicayecicajujupi śni kinhan,

Mattheos 23:15

Wowapi kagapi qa Pharisee kin, wananiciḣmanpi, woteḣi niciyankapi nunwe; miniwanca maka ko aokibeyayapi, wicaśta wanjidan duhomnipi kta; qa ecetu kinhan, niye isanpa nonpa akihde Wakanśica cinca yakagapi ece.

Mattheos 23:33

Wamduśka henicapi, sinteḣda wicoicage, token wakanśica ti iwicayacopi kin nayecipapi kta he.

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 26:59

Unkan wośnapi kagapi qa wicaḣincapi kin, qa omniciye ocowasin, woitonśni wootanin oyakapi Jesus on akitapi, ktepi kte cin heon:

Mattheos 3:17

Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.

Mattheos 5:34

Tuka miś heciciyapi; Taku cajedate c̣a he namaḣon ce, eye śni wo; maḣpiya kin he hecen cajedate kte śni, he Wakantanka oiyotanke tawa kin hee.

Mattheos 5:44

Tuka miś heciciyapi; Tona tokaniyanpi kin hena cante wicakiya po; qa tona niyaśicapi kin hena wicayawaśte po; tona śicenidapi kin hena taku waśte ecawicakicon po; qa tona taku i en iyeniyanpi qa teḣiya nicuwapi kin hena wecekiye ewicakiciya po.

Markos 14:55

Unkan wośnapi kagapi qa omniciye ocowasin tuwe Jesus on taku oyakapi kta odepi, ktepi kta e heon, tuka takudan iyeyapi śni.

Markos 15:1

Unkan wanna anpao, hehan wośnapi kagapi qa wicaḣincapi, wowapi kagapi ko omniciye ocowasin om he aiapi, qa Jesus kaśkapi, qa ekta ayapi qa Pilate qupi.

Lukas 12:5

Tuka tuwe koyakipapi kte cin he ito kanyehan ociciyakapi kte: Tuwe wicakte, qa hehan wakanśica tipi kin en eḣpewicaya okihi kin he eca kokipa po; han, Hee kokipa po, eciciyapi ce.

Lukas 22:66

Unkan wanna anpao qehan, oyate kin en tona tokapapi, qa wawayuśna itancanpi, qa wowapi kagapi kin, hena mniciyapi, qa omniciye kin en aupi;

Johannes 11:47

Hehan wośna kagapi Pharisee ko mniciyapi qa, Token econkupi he; wicaśta kin de taku wapetokeca ota econ kin, eyapi.

Johannes 15:25

Tuka woope tawapi kin en wicoie kagapi qon he wanna iyecetu; Takudan on etanhan śni śice madakapi ce.

Johannes 7:20

Oyate kin ayuptapi qa heyapi; Wakan śica niyuhnaśkinyan; tuwe e ṭeniyan akita he.

Johannes 8:48

Hehan Juda oyate kin ayuptapi qa heciyapi; Samariya oyate henitanhan, qa Wakanśica niyuhnaśkinyan ce, unkeniciyapi qon he wicaunkapi ce.

Olianyanpi kin 17:18

Unkan hehan Epikureos qa Stoikos oyate kin etanhan, wicaśta woksape cinpi wanjikji Palos itkokipapi qa, I wakan kin de token eye kta he, hunḣ eyupi; qa hunḣ iś, He taku wakan tokeca ehde sececa ce, eyapi; Jesus qa wiconṭe etanhan woekicetu kin hena owicakiyaka, heon etanhan.

Olianyanpi kin 22:30

Unkan ihanḣanna qehan, Juda oyate taku iyaonpapi hecinhan, he atayedan sdonye kta, heon icaśke kin etanhan kiyuśke c̣a, wośna kagapi, hunkawicayapi ko owasin mniciye wicaśi, qa hehan en ahi, qa wicacokaya ehde.

Olianyanpi kin 23:1

Unkan Palos omniciye kin opawicuḣta yanke c̣a, Wicaśta hunkawanjin ciyapi, Wakantanka itokam mitawacin oc̣owasin waśte, anpetu kin dehan wani, eya.

Olianyanpi kin 24:20

Qa dena is, omniciye kin en nawajin kin, he icunhan taku śica ecamon kin taku sdonyapi kinhan oyakapi kta.

Olianyanpi kin 4:15

Tuka omniciye kin etanhan tankan ye wicaśipi, hehan he akiiapi;

Olianyanpi kin 5:21

He naḣonpi unkan hanḣenna ḣin tipi wakan kin timahen yapi, qa wowicakiyakapi. Hehan wośna kagapi itancan, qa tona om un kin hena witaya iheyapi, qa omniciye tanka kin mniciye wicaśi, Israel cinca hunkawicayapi kin owasin koya; unkan wicakaśka tipi kin ekta wicahuweye wicaśipi.

Olianyanpi kin 5:27

En awicahipi qa omniciye kin wicaookaya najin wicakiyapi; unkan wośna kagapi itancan kin wiwicawanga,

Olianyanpi kin 6:12

Hecen oyate kin, qa hunkawicayapi, wowapi kagapi ko iyowicapaśtakapi; unkan anatan hipi, qa yuzapi, qa omniciye kin en ahipi.

Olianyanpi kin 6:15

Unkan omniciye kin en iyotankapi kin owasin opaḣta yukanpi, qa ite kin he maḣpiya ohnihde wan ite kin iyececa wanyakapi.

Olianyanpi kin 7:37

Moses Israel cinca kin; Hunkawanjin wicayayapi etanhan wicaśta wokcan wan miye iyemaceca, Itancan Wankantanka nitawapi kin icaḣniciciyapi kta, he anayagoptanpi kta ce, ewicakiye ciqon he dee.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

I. Korinth 6:10

Qa wamanonpi sa, qa waicucukte cin, qa witkopi sa, qa wawicakipi sa, henakiya Wakantanka tokiconze kin tawapi kte śni.

I. Korinth 6:6

Tuka hunkawanjinkiciyapi kin taku iyakicionpapi ece, qa he nakun wacinyanpi śni kin wicitokam.

I. Thessalonike 4:6

Taku en tuwedan hunkawanjitku kin kape c̣a hnaye kte śni; tona heconpi kin owasin Itancan kin tokic̣on ece, unkoniciyakapi qa unniciyaotaninpi qon iyececa.

Titos 3:2

Tuwedan yaśicapi kte śni, qa wicakizapi kte śni, tuka waḣbayedan unpi, qa wicaśta owasin on wacin tankapi kta.

Hebrew 12:25

Ihnuhan tuwe ie cin anayagoptanpi śni kinhan; tona tuwe maka akan ie ciqon he anagoptanpi śni qon hena najicapi śni hecinhan, sam iyeya unkiye naunjicapi kte śni, tuwe maḣpiya tanhan ie cin ihaunktapi śni kinhan.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

Jakob 2:20

Tuka, wicaśta wacinton śni kin, wacinyanpi wicoḣan codan kin he ṭa e sdonyaye kta he.

Jakob 3:6

Wicaceji kin he peta, qa woaḣtani iyatahdepi; hecen wicaceji unhuhapi kin ehna un, wicatancan kin ocowasin aśamya, qa wicoicage ohomniyan aideye c̣a, iś eya wakanśica ti kin etanhan ideic̣iya.

I. Inyan 2:23

Kigepi qehan itkom wicakige śni; kakiśyapi he ehan owawicakiye śni; tuka tuwe owotanna wiyukcan ece kin he en ihdoya.

I. Inyan 3:9

Taku śica on itkom taku śica econpi śni po; qa nicigepi eśta wicakigepi śni po; tuka itkopatanhan wayawaśte po; heon nicopi, hecen woyawaśte tawayayapi kta e sdonya po.

I. Johannes 2:9

Tuwe iyoyanpa kin en un keic̣iye c̣a, hunkawanjitku kin śicekidake cin he dehantu otpaza kin en un.

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.

I. Johannes 5:16

Tuwe hunkawanjitku waḣtani wanhdake cinhan, woaḣtani kin he wiconṭe ekta śni kinhan, wocekiye ekiciye kta, unkan Wakantanka wiconi qu kta, tona waḣtanipi wiconṭe ekta iyahde śni hena on. Woaḣtani wanji wiconṭe ekta; he on wocekiye eye kta epe śni.

Judas 1:9

Hececa, tuka Mikael maḣpiya ohnihde itancan kin he wakanśica kin kici econ, qa Moses tancan kin on akinicapi qehan, woośtehda woiyaonpe wan en aya tawaṭenye śni, tuka, Itancan kin iyopeniyan nunwe, eciya.

Wayuotanin 20:14

Unkan wiconṭe qa. Hades kin hena peta mde kin en iyoḣpewicayapi. Wiconṭe inonpa kin hee.