Mattheos 5:18 - Dakota Wowapi Wakan Kin

¹⁸ Awicakehan heciciyapi; Maḣpiya qa maka kin atakuniśni eśta, oowa wanjidan qa oehnake wanjidan woope kin etanhan icupi kte śni, owasin ecetu kta.

Mattheos 5:18 Iomraidhean Croise

Mattheos 10:15

Awicakehan heciciyapi; Woyaco anpetu kin en otonwe kin he teḣiya un kta, Sodom qa Gomorra makoce kin isanpa.

Mattheos 10:23

Tuka tohan otonwe kin de en śicaya nicuwapi kinhan, wanji tokeca ekta najica po; awicakehan heciciyapi, Israel otonwe tawapi kin iyaza yaunpi kte śni ecen Wicaśta Cinhintku kin hi kta.

Mattheos 10:42

Qa tuwe waonspekiyapi caje on, dena cikcistinpidan wanji wiyatke ohna mini sni ecedan yatkekiye cinhan, awicakehan heciciyapi, he iyunwin tawa toki eḣpekiye kte śni.

Mattheos 11:11

Awicakehan heciciyapi; Tona winoḣinca eciyatannan wicatonpi kin wanji Johannes baptem wicaqu ece kin sanpa tanka icage śni; tuka tuwe maḣpiya wokiconze kin en iyotan cistinna kin he sanpa tanka.

Mattheos 13:17

Awicakehan heciciyapi; Wicaśta wokcan ota, qa wicaśta owotanna, taku wandakapi ece kin hena wanyakapi kta cinpi, tuka wanyakapi śni; qa taku nayaḣonpi ece kin, hena naḣonpi kta cinpi, tuka naḣonpi śni.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 18:18

Awicakehan heciciyapi; Taku maka akan yakaśkapi kinhan, he maḣpiya ekta kaśkapi kta; qa taku make akan yakiduśkapi kinhan, he maḣpiya ekta kiyuśkapi kta.

Mattheos 18:3

Qa heya; Awicakehan heciciyapi; Nihduhomnipi śni, qa hokśiyoqopa iyenicecapi śni kinhan, maḣpiya wokiconze kin en yaipi kte śni.

Mattheos 19:23

Unkan Jesus waonspewicakiye cin hewicakiya; Awicakehan heciciyapi; Tuwe wijica un kin he kitan se maḣpiya wokiconze kin en i kta.

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 21:21

Jesus waayupte c̣a hewicakiya; Awicakehan heciciyapi; Wowacinye duhapi qa waceṭunyahdapi śni kinhan, taku suken can kin de ecakiconpi kin heceedan ecanonpi kte śni, tuka paha kin de, Tokan iyaye c̣a miniwanca kin en iyoḣpeniyanpi nunwe, eyakiyapi kinhan, ecetu kta.

Mattheos 21:31

Denaoza unma tukte atkukupi tawacin kin ecen econpi he. Unkan, Tokapa kin, eciyapi. Hehan Jesus hewicakiya; Awicakehan heciciyapi; Wamnayanpi qa wawiciḣaḣapi econpi sa niyepi nitokam Wakantanka tokiconze kin en yapi kta.

Mattheos 23:36

Awicakehan heciciyapi; Dena owasin wicoicage kin de en awicau kta.

Mattheos 24:2

Unkan Jesus hewicakiya; Dena owasin wandakapi śni he; awicakehan heciciyapi; Dena inyan wanji inyan itakihna wanke kte śni, owasin yujujupi kta.

Mattheos 24:47

Awicakehan heciciyapi; Taku yuhe cin owasin awanyagkiye kta.

Mattheos 25:12

Tuka iye waayupte c̣a; Sdonciyapi śni, awicakehan eciciyapi ce, eya.

Mattheos 25:40

Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Mattheos 25:45

Hehan awicayupte c̣a heye kta; Awicakehan heciciyapi; Dena cikcistinpidan hecawicayeconpi śni kin he miye ecamiyeconpi śni ece.

Mattheos 5:26

Awicakehan heciciya; Tohanyan mazaśadan ehake yahdajuju śni kinhan hetanhan tankan yaku kte śni

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Mattheos 6:2

Heon etanhan tohan taku wicayaqu kta hecinhan nitokam cotanka yajowicayakiye kte śni, wanaic̣iḣmanpi kin omniciye tipi qa canku ohna econpi ece kin iyececa, wicaśta on wicayatanpi kte cin heon; awicakehan heciciyapi; Hena wokajuju hduhapi ece.

Mattheos 8:10

Unkan Jesus he naḣon qehan yuśinyaya, qa ihakam unpi kin hewicakiya; Awicakehan heciciyapi, Israel hee kaeś en wacinyanpi hinsko tanka iyewaye śni ce.

Markos 10:15

Awicakehan heciciyapi; Tuwe Wakantanka tokiconze kin hokśiyoqopa iyecen icu śni kinhan he mahen ye kte śni.

Markos 10:29

Jesua waayupte c̣a heya; Awicakehan heciciyapi, tuwe, miye qa wotanin waśte kin on, tipi qa hunkawanjitku, qa tawinoḣtin, qa atkuku, qa hunku, qa tawicu, qa cinc̣a, qa makoce eḣpeye cinhan;

Markos 11:23

Awicakehan heciciyapi; Tuwe paha kin de, Tokan iyaye c̣a miniwanca kin en iyohpaya wo, eciye c̣a, cante kin en ceṭunhda śni, qa taku tona eye cin hena hecetu kta e wicada kinhan; he taku eye cin hena ecen yuhe kta.

Markos 12:43

Unkan waonspewicakiye cin hena wicakico qa hewicakiya Dena owasin mazaska opiye kin en eḣpeyapi, tuka wiwazica waḣpanica kin de owasin isanpa en eḣpeya, awicakehan eciciyapi.

Markos 13:30

Awicakehan heciciyapi, wicoicage kin de tokan iyaye śni, ecen dena owasin econpi kta.

Markos 14:18

Unkan wota iyotankapi icunhan Jesus heya; Awicakehan heciciyapi; Mici wayatapi kin wanji wiyopemayayapi kta.

Markos 14:25

Awicakehan heciciyapi; Detanhan wiyuwi waskuyeca etanhan icimana mdatke kte śni, anpetu wan en Waknntanka tokiconze kin en teca mdatke kte cin hehanyan.

Markos 14:30

Unkan Jesus heciya; Awicakehan heciciya; Anpetu kin de, hanyetu kin de en, anpaohotonna nonpa hoton śni, ecen yamni akihde anamayakiḣbe kta.

Markos 14:9

Awicakehan heciciyapi; Maka kin owancaya tukten wotanin waśte kin de oyakapi kinhan, winoḣinca kin de nakaha taku econ kin he oyakapi kta, wokiksuye kta e heon.

Markos 3:28

Awicakehan heciciyapi; Waḣtanipi owasin wicaśta cincapi kin wicakicicajujupi kta, qa iapi śica on wayaśicapi ece kin hena nakun;

Markos 6:11

Qa tona iyowinniciyapi śni qa ananigoptanpi śni kinhan, tohan hetanhan dapi kinhan, owicadakapi kta e heon watuśekśeca siha etanhan yahdatatapi kta. Awicakehan heciciyapi; Woyaco anpetu kin en, otonwe kin he kakije kte cin Sodom qa Gomorrah ahecece kta.

Markos 8:12

Unkan iye cante ekta comnihdazi qa heya; Tokeca wicoicage kin de wowapetokeca akita he. Awicakehan heciciyapi; Wicoicage kin de wowapetokeca takudan qupi kte śni.

Markos 9:1

Hehan hewicakiya; Awicakehan heciciyapi; den najinpi etanhan wanjikji wiconṭe utapi śni itokam, Wakantanka tokiconze wowaśake on hi wanyakapi kta.

Markos 9:41

Tuwe micaje on miniyatke ohna mini datkanpi kta nic̣upi kinhan, Messiya niyuhapi kin heon, he wokajuju toki eḣpekiye kte śni, awicakehan eciciyapi.

Lukas 11:51

Abel we kin hetanhan, qa Zacariyas tipi wakan wahna wośnapi kin okitahedan awihnuni qon he we kin iyahdeya: Awicakehan heciciyapi, He wicoicage kin de etanhan iwicawangapi kta ce.

Lukas 12:37

Wicayuhe cin hdi kinhan, ookiye kin tona wakta unpi iyewicakiye cin, hena wicayawaśtepi; awicakehan heciciyapi ce, Wicayuhe cin iye ipiyagkiton, qa ookiye kin hena wote kta iyotangwicakiye, c̣a u, qa owicakiye kta ce.

Lukas 13:35

Iho, yatipi kin otiwota eḣpeniciyapi: qa, Tohanyan tuwe Itancan caje on u kin he yawaśtepi nunwe, ehapi śni hehanyan wanmayadakapi kte śni, awicakehan eciciyapi ce.

Lukas 16:17

Maḣpiya maka ko tokan iyaye kte cin he aoptetu, qa woope oowa wanjidan kaeś yuecetupi kte śni kin hee teḣika ce.

Lukas 18:17

Wowicake eciyatanhan heciciyapi; Tuwe hokśiyoqopa iyececa Wakantanka tokiconze kin icu śni kinhan, he tokadan en ope kte śni ce.

Lukas 18:29

Unkan hewicakiya; Awicakehan heciciyapi ce, Wicaśta kin tuwe ti kin, qa hunkakewicaye cin, qa hunkawanjitku, qa tawicu, qa cinca, hena wanji Wakantanka tokiconze kin on kpagan kinhan,

Lukas 23:43

Unkan Jesus heciya; Anpetu kin de en wowaśte makoce kin en mici yaun kta ce, awicakehan eciciya.

Lukas 4:24

Unkan heya; Awicakehan heciciyapi; Wicaśta wokcan tuwedan iye tamakoce kin en iyowinkiyapi śni ece.

Johannes 1:51

Unkan heciya; Wowicake, wowicake eciyatanhan heciciyapi, Tokata maḣpiya kin yuzamnipi, qa Wakantanka taokiye kin wankantkiya yapi, qa ake kuntkiya upi, qa Wicaśta Cinhintku kin en himniciyapi wandakapi kta ce.

Johannes 10:1

Wowicake, wowicake eciyatanhan heciciyapi; Tuwe taḣinca tipi tiyopa ohna tin iyaye śni, tiyopa icunonpa tanhan ti iyoḣpaye cin he wabotice c̣a wamanon kin heca.

Johannes 10:7

Hehan ake Jesus hewicakiya; Wowicake, wowicake on heciciyapi, Taḣinca tipi tiyopa kin he miye ce.

Johannes 12:24

Wowicake, wowicake eciyatanhan heciciyapi; Aguyapi su kin maka ekta eḣpeyapi, ṭe śni kinhan, iśnana un kta; tuka ṭe cinhan ota icaḣye kta.

Johannes 13:16

Ookiye unpi kin he Itancan kin iyakapa śni; qa tuwe u śipi kin he tuwe u śi hecinhan, he iś iye kapa śni, wowicake, wowicake eciyatanhan eciciyapi.

Johannes 13:38

Jesus ayupte; Miye on wiconi nitawa eḣpeyaye kta he. Wowicake, wowicake on heciciya; Anpaohotonna kin hoton śni itokam yamni akihde sdonmayaye śni, kehe kta ce, eya.

Johannes 14:12

Wowicake, wowicake on heciciyapi; Tuwe wicamada kin he wicoḣan ecamon kin hena iś iyecen econ kta, nakun eeś sanpa tanka econ kta; Ate ekta wahde kte cin heon etanhan.

Johannes 16:20

Wowicake, wowicake on heciciyapi; Nihinnic̣iyapi qa yaceyapi kta, tuka oyate kin iyuśkinpi kta; iyoniciśicapi kta, tuka iyoniciśicapi kin he wowiyuśkin wan en un kta.

Johannes 16:23

Unkan anpetu kin he en takudan imayanungapi kte śni. Wowicake, wowicake on heciciyapi; Taku micaje on Atewaye cin yakidapi kinhan nic̣upi kta.

Johannes 21:18

Wowicake, wowicake on heciciya; Koniśka qehan niye cinka ipiyag yeton qa tokiya yacin eca ekta da ece, tuka tohan winicaḣinca kinhan wicaśta tokeca wan ekta nape yeyakiye kta, kinhan ipiyag nicaton qa tokiya yacin śni eśta ekta aniye kta ce, eya.

Johannes 3:11

Wowicake, wowicake eciyatanhan heciciya; Taku sdonunyanpi kin hena unkeyapi ece, qa taku wanunyakapi kin dena unkoyataninpi, tuka wounyataninpi kin ayaktapi śni.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Johannes 5:19

Unkan Jesus waayupte c̣a hewicakiya; Wowicake, wowicake eciyatanhan heciciyapi, Cinhintkuyapi kin takudan iye cinka econ kta okihi śni; Ateye cin taku econ wanyaka eca, hehan Cinhintku kin iś eya iyecen econ ece.

Johannes 6:26

Jesus awicayupte c̣a heya; Wowicake, wowicake eciyatanhan heciciyapi, Omayadepi kin he taku wapetokeca wandakapi kin heon hecanonpi śni, aguyapi imnahan yatapi qon e heon.

Johannes 6:32

Unkan Jesus hewicakiya; Wowicake, wowicake eciyatanhan heciciyapi; Moses aguyapi kin he maḣpiya kin eciyatanhan nic̣upi śni; tuka Atewaye cin he aguyapi wowicake kin maḣpiya eciyatanhan nic̣upi.

Johannes 6:47

Wowicake, wowicake eciyatanhan heciciyapi, Tuwe miye wicamada kinhan, he owihanke wanin wiconi yuhe kta.

Johannes 6:53

Hehan Jesus hewicakiya; Wowicake, wowicake eciyatanhan heciciyapi; Wicaśta Cinhintku kin ceḣpi etanhan yatapi śni, qa we kin datkanpi śni kinhan wiconi takudan en niunpi kte ini.

Johannes 8:34

Jesus awicayupte; Wowicake, wowicake on heciciyapi, Tuwe woaḣtani econ kin he woaḣtani en wowidake un ece.

Johannes 8:51

Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Johannes 8:58

Jesus hewicakiya; Wowicake, wowicake eciyatanhan heciciyapi; Abraham un qon he itokam wanna waun ce, eya.

I. Inyan 1:25

Tuka Itancan oie kin he owihanke wanin un kta. Unkan wotanin waśte oniciyakapi kin wicoie kin he hee.

Wayuotanin 20:11

Hehan oiyotanke ska tanka wan wanmdaka, qa tuwe akan iyotanke cin he ite kin etanhan maka maḣpiya ko najicapi; qa tukten wanke kte cin iyeyapi śni.