Mattheos 5:12 - Dakota Wowapi Wakan Kin

¹² Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Mattheos 5:12 Iomraidhean Croise

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Lukas 13:34

Jerusalem, Jerusalem, wicaśta wokcan kin hena wicayakte, qa niye ekta u wicaśipi qon hena inyan on wicayakininpi ece; eca ijehan anpaohotonna wan ḣupahu oḣdateya cinca wicatpahi ece kin he iyecen niye nicinca kin wicacicipahi kta, tuka yacinpi śni.

Lukas 6:23

Anpetu kin he en wiyuśkinpi, qa wopida on śkehanhan po; iho, maḣpiya ekta wokajuju tanka duhapi; atewicayapi kin iś eya iyecen wicaśta wokcanpi wicakuwapi qon.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Olianyanpi kin 16:25

Unkan hanye cokaya hehan, Palos Silas kici Wakantanka cekiyapi, qa yatan dowanpi; unkan wicaśta wicakaśkapi kin he naḣonpi.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

Roma 5:3

Qa hecedaii śni, nakun wokakije on unkiyuśkinpi ece; wokakije kin he wacin tankapi kaga e sdonunyanpi;

I. Korinth 3:8

Tuwe woju qa tuwe mini akaśtan kin hena okonwanjipidan; otoiyohi iye toḣtani kin iyacinyan iyunwin icupi kta.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

Philippi 2:17

Unkan wacinyayapi wośnapi wawokiyapi kin en, amihdapson eśta nakun imduśkin, qa niyepi owasin om imduskin kta.

Kolosse 1:24

Nakaha niyepi kin on etanhan makakije cin neon imduśkin, qa Messiya wokakije tawa, taku miceḣpi kin en yuśtanpi śni kin hena iye tancan kin, okodakiciye kin hee, on weciyuśtan kta.

Kolosse 3:24

Itancan kin etanhan woaiḣpeye iyunwin kin iyacupi kta he sdonyayapi; Messiya Itancan kin wowidake niyanpi nakaeś.

I. Thessalonike 2:15

Hena e qe Jesus Itancan kin ktepi, qa wicaśta wokcan wicayuhapi qon hena nakun, qa unkiye śicaya unkuwapi, Wakantanka iyokipiyapi śni, qa wicaśta owasin kaśewicayapi:

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.

Hebrew 11:26

Messiya on aiapi kin he, woyuha Egupta en un kin sam iyeya wowijice tanka daka; wokajuju iyunwin kin he awacin kin heon etanhan.

Hebrew 11:33

Hena wacinyanpi kin eciyatanhan wokiconze kin ohiyapi, wicoḣan owotanna oḣanyanpi, wahoyapi kin icupi, mnaja kin iohmusyapi;

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

Jakob 5:10

Mihunkawanji, wicaśta wokcan Itancan caje kin on iapi qon hena kakijapi qa wacintankapi on waonspekiya wicayuha po.

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.