Mattheos 4:8 - Dakota Wowapi Wakan Kin

⁸ Hehan ake Wakanśica paha wan tehanwankantuya kin he ekta aya, qa maka akan wokiconze kin owasin wowitan ko kipazo;

Mattheos 4:8 Iomraidhean Croise

Mattheos 16:26

Wicaśta wan maka kin ecowasin kamna, qa nagi kin toki eḣpeye cinhan he taku okihi kta he; qa wicaśta nagi kin taku iyepekiye kta he.

Mattheos 4:5

Henan Wakanśica otonwe wakan kin ekta aya, qa tipi wakan oinkpa wan akan ehde;

Johannes 5:20

Ateyapi kin Cinhintku waśte kidake cin heon taku econ kin hena owasin onspekiya; qa nakun ceś wicoḣan dena sanpa tanka onspekiye kta, hecen ininihanpi kta.

I. Inyan 1:24

Wicaceḣpi owasin peji iyececa, qa wicaśta towitan kin owasin peji ḣca kin iyececa. Peji kin he śniś aye c̣a waḣca kin hinḣpaya ece;

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.