Mattheos 4:24 - Dakota Wowapi Wakan Kin

²⁴ Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Mattheos 4:24 Iomraidhean Croise

Mattheos 12:22

Hehan wanji wakan śica yuhnaśkinyan he en ahipi, iśtagonge c̣a ia okitpani; unkan asniyan, hecen iśtagonge c̣a ia okitpani kin he ia qa nakun tonwan.

Mattheos 14:1

Unkan anpetu kin hena en Herod wicaśtayatapi kin Jesus oyakapi kin he naḣon;

Mattheos 15:22

Unkan iho, Kanan winoḣinca wan makoce kin hetanhan hiyu, qa hoyekiye qa heya; Itancan, Dawid Cinhintku, onśimada ye, micunkśi wakan śica yuhnaśkinyan, śicaya un.

Mattheos 17:15

Qa heya; Itancan, micinkśi onśimicida ye, hanyetu wi ihnaśkinyan qa śicaya un; otakiya peta en iḣpaye c̣a otakiya mini en iyoḣpaya ece:

Mattheos 17:18

unkan Jesus iyopeya, qa hecen wakan śice cin tankata hinanpa; unkan wihiyayedan oape kin hetanhan hokśidan kin asniyanpi.

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 8:28

Unkan akasanpa i, Gadarene makoce tawapi kin en, hehan wicaśta nom wakan śica wicayuhnaśkinye cin hena itkokipapi, wicaśta hnakapi kin etanhan upi, wohitikapi ḣinca, hecen tuwedan canku kin he ohna ye kta okihi śni.

Mattheos 8:33

Unkan tona wo wicaqupi qon hena najicapi; qa otonwe en kipi, qa taku owasin oyakapi, wicaśta wakan śica wicayuhnaśkinyanpi qon, taku ecawicakiconpi kin hena koya.

Mattheos 8:6

Qa heya; Itancan, hokśidan mitawa tiyata wanka ṭaṭaka, nina yazan.

Mattheos 9:26

Unkan he makoce kin owancaya oyakapi.

Mattheos 9:35

Unkan Jesus otonwe kin owasin, otonwe ciqadan ko iyaza un, omniciye tipi yuhapi kin ohnahna waonspekiye c̣a wokiconze wotanin waśte kin he oyaka ece; qa wayazankapi owasin, oyate kin en teḣiya unpi ko asniwicaya ece.

Markos 1:28

Unkan hetanhan Galile makoce ihdukśan owancaya oḣan kin oyakapi.

Markos 1:32

Wanna ḣtayetu, wi iyaya hehan, wayazankapi kin owasin yanke cin en awicahipi, tona wakanśica wicayuhnaśkinyan hena koya.

Markos 2:3

Unkan hehan en hipi, wicaśta wan ṭaṭake cin wicaśta tom akiyuhapi, he en aupi.

Markos 2:4

Unkan wicota kin on tokadan ikiyedan upi śni, hehan tipi akaḣpe kin yuḣdokapi; he yujujupi hehan ṭaṭake cin owinja akan yanka ecehna en yuhukun iyeyapi.

Markos 2:9

Wayaḣtani nicicajujupi, qa iś, Najin, owinja ehdaku qa mani wo, ṭaṭake cin eciyapi kta, unma tukte waśakadan he.

Lukas 2:2

Kurenios Suria en wicaśtayatapi yanke cin he ehan tokaneya owicawapi kin de yuśtanpi.

Lukas 4:14

Hehan Jesus Woniya towaśake kin yuha Galile en hdi; unkan ihdukśan makoce wanke cin owancaya he oyakupi.

Lukas 4:38

Unkan omniciye tipi kin etanhan hdicu, qa Simon ti kin en tin iyaya. Unkan Simon kunku kin he tancan wicakata ececa ḣinca; hecen on cekiyapi.

Lukas 5:15

Tuka heon iyotan tankaya wicoḣan kin he oyakapi; hecen wicota en mniciyapi, naḣonpi kta, qa wayazankapi wicayuhapi kin asniwicaye kte cin heon.

Lukas 5:24

Tuka Wicaśta Cinhintku kin he iś maka akan woaḣtani kajuju kta okihi sdonyayapi kta; hehan ṭaṭake cin he heciya; Najin qa nitowinja ehdaku qa yati kin ekta hda wo, eciciya ce, eya.

Lukas 7:17

Unkan Juda makoce qa okśan makoce wanke cin owancaya he yaotaninpi.

Johannes 10:21

Tuka apa iś, Tuwe wakan śica yuhe cin decen oieye śni ece; taku wakan śice cin he iśta gongapi iśta wicakiyukawa okihi kta he, eyapi.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 15:23

Qa heciya ayapi kta e kaken wowapi kagapi; Yewicaśipi kin, qa hunka wicayapi, hunkawanjin kiciyapi kin hena ko, hunkawanjin kiciyapi Ikcewicaśta etanhan, Antiyoka, qa Suria, qa Kilikia en yakonpi kin, Wookiye yukan po.

Olianyanpi kin 15:41

Qa Suria qa Kilikia opta iyaye c̣a, okodakiciye kin suta wicakaga.

Olianyanpi kin 28:9

Hecen econ, unkan hehan wita kin en tona wowayazan yuhapi kin hena en hipi, qa asni wicayapi.

Olianyanpi kin 8:7

Taku wakan śica hotankakiya hotaninyan tona wicayuhnaśkinyanpi kin etanhan inanpapi, qa tona ṭaṭapike cin huśtepi ko ota okizipi.