Mattheos 4:23 - Dakota Wowapi Wakan Kin

²³ Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 4:23 Iomraidhean Croise

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 12:9

Hehan hetanhan iyaye c̣a omniciye tipi tawapi kin en i.

Mattheos 13:19

Wicaśta otoiyohi wokiconze oie kin naḣon keś, okaḣnige śni kinhan, he tuwe śice cin en hi, qa taku cante en ojupi qon eyaku ece; iho, canku icahda ojupi icu qon hee.

Mattheos 13:54

Qa iye tamakoce kin en ki qehan, omniciye tipi yuhapi kin ohna waonspewicakiya; hecen yuśinyayapi qa heyapi; Woksape kin de, qa wicoḣan tanka, wicaśta kin de tokiyatanhan yuha he.

Mattheos 14:14

Unkan huta ekta ihunni qehan, wicota wanwicayaka; qa onśiwicakida, qa tona teḣiya unpi kin hena asniwicaya.

Mattheos 24:14

Unkan wokiconze wotanin waśte kin de maka kin owancaya oyakapi kta, oyate owasin en wotanin un kta; qa hehan owihanke kta.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 9:35

Unkan Jesus otonwe kin owasin, otonwe ciqadan ko iyaza un, omniciye tipi yuhapi kin ohnahna waonspekiye c̣a wokiconze wotanin waśte kin he oyaka ece; qa wayazankapi owasin, oyate kin en teḣiya unpi ko asniwicaya ece.

Markos 1:14

Unkan Johannes kaśka hnakapi qehan, Jesus Galile en hi, qa Wakantanka tokiconze wotanin waśte kin oyaka:

Markos 1:21

Hehan Kapernaum en yapi; unkan anpetu wakan icunhan omniciye tipi kin katinyan en ye c̣a, woyaka.

Markos 1:39

Unkan Galile makoce kin owancaya, omniciye tipi kin ohna woyake c̣a, wakan śica hinape wicakiya ece.

Markos 3:10

Wicaśta ota asniwicaya; heon tona tancan śihtinpi kin hena yutanpi kta e yuotinzapi.

Markos 6:2

Unkan wanna anpetu wakan hehan omniciye tipi kin ohna waonspewicakiya. Qa wicota naḣonpi qehan yuśinyayapi qa heyapi; Tokiyatanhan dena yuha he; qa taku woksape qupi he; qa token iye nape on wicoḣan tanka dececa econpi he.

Markos 6:6

Unkan wicadapi śni kin heon yuśinyaya. Qa otonwe ihdukśan wanke cin ektakta waonspewicakiya iyaya.

Lukas 10:9

Qa wayazanka en unpi kin hena asniwicaya po, qa, Wakantanka tokiconze kin he kiyedan nihiyohipi ce, ewicakiya po.

Lukas 13:10

Unkan anpetu wakan icunhan omniciye tipi wan ohna waonspewicakiya yanka:

Lukas 16:16

Woope qa wicaśta wokcan kin hena Johannes hehanyan; tuka hetanhan Wakantanka tokiconze kin oyakapi ece, qa owasin en opapi kte ḣinca.

Lukas 20:1

Unkan anpetu kin hena wanji en tipi wakan kin ohna oyate kin waonspewicakiye, c̣a wootanin waśte kin he oyake c̣ehan, wawayuśnapi itancanpi, qa wowapi kagapi, qa wicaḣincapi kin, hena ekta ahi,

Lukas 4:14

Hehan Jesus Woniya towaśake kin yuha Galile en hdi; unkan ihdukśan makoce wanke cin owancaya he oyakupi.

Lukas 5:17

Unkan anpetu wan waonspewicakiya icunhan, Pharisee qa wicoope onspekiye cin hena, Galile otonwe kin owasin, qa Juda qa Jerusalem etanhan, en ahi kin hena en iyotankapi; unkan Itancan towaśake kin asniwicaye kta e en un.

Lukas 6:17

Hehan hena om kun hdicu, qa makomdaya en hdinajin; unkan waonspewicakiye optaye kin, qa Juda owancaya qa Jerusalem, qa mde kahdaya Turos qa Sidon henakiya etanhan wicota ḣinca, hena ia naḣonpi, qa tona wayazankapi kin asniwicayapi kta e en ahi:

Lukas 6:6

Unkan anpetu wakan tokeca wan omniciye tipi kin en tin iyaye, c̣a waonspekiya: unkan wicaśta wan nape etapa kin śnija e en yanka.

Lukas 7:21

Unkan hehantudan ḣinca wayazankapi, qa makośica ececapi, qa woniya śikśtca ececapi, hena wicota asniwicaya; qa iśtagongapi kin heca ota tonwewicaya.

Lukas 7:22

Henan Jesus waayupte c̣a hewicakiya; Hda po, qa taku wandakapi qa nayaḣonpi kin hena Johannes okiyaka po: Iśtagongapi kin hena tonwanpi, qa huśtepi kin iś manipi, qa lepros ececapi kin iś wicayuskapi, qa nogetpapi kin is wanaḣonpi, qa ṭapi kin iś kiniwicakiyapi, qa waḣpanicapi kin iś wootanin waśte kin he owicakiyakapi.

Lukas 8:1

Unkan he iyohakam, otonwe tankinkinyan otonwe cikciqadan ko, owasin iyaza un, qa wootanin waśte Wakantanka tokiconze ahna yaotanin. Unkan akenonpapi kin kici unpi:

Lukas 9:11

Unkan oyate kin sdonyapi qehan, ihakam eyaya: unkan iyowinwicakiye c̣a, Wakantanka tokiconze kin he iwowicakiyake c̣a, tona asniyanpi cinpi kin hena asniwicaya.

Lukas 9:60

Jesus heciya; Tona ṭapi kin ta wicayuhapi kin hena ito wicakiḣapi kta; tuka niye qe ye c̣a Wakantanka tokiconze kin he oyaka wo.

Johannes 18:20

Jesus ayupte; Oyate kin en taninyan womdaka ece; omniciye tipi etu, qa tipi wakan ko en, Juda oyate mniciyapi ece kin en ohinniyan waonspekiya waun, qa takudan anaḣbeyahan epe śni ce.

Johannes 6:59

Kapernaum en omniciye tipi kin he ohna waonspekiya icunhan hena hecen eya.

Johannes 7:1

Hena iyohakam Jesus Galile en un; Juda oyate ṭe yapi kta akitapi heon Juda makoce en un wacin śni.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 18:4

Qa anpetu wakan eca omniciye tipi kin ohna wowicakiyaka ece, qa Juda oyate Helenes ko cinwicakiya.

Olianyanpi kin 20:25

Qa nakaha iho, niyepi kin Wakantanka tokiconze kin ociciyag ciipi qon owasin ake miite kin wanmayadakapi kte śni e sdonwakiya.

Olianyanpi kin 28:31

Wakantanka tokiconze kin yaotanin, qa Jesus Messiya Itancan taku tawa kin wuditagya oyaka ece, tuwedan teḣinda śni.

Roma 10:15

Qa ekta ye wicaśipi śni kinhan token oyakapi kta he. Owapi qon he hecetu; Tona wookiye wotanin waśte kin oyakapi, qa taku waśte en wotanin waśte oyakapi kin hena sihapi kin iyotan waśte ce.