Mattheos 4:13 - Dakota Wowapi Wakan Kin

¹³ Qa Nazareth eḣpeya iyaye c̣a Kapernaum en hiyanka, he mde kin icahda, Zabulon qa Nephtalim opapun kin hetu.

Mattheos 4:13 Iomraidhean Croise

Mattheos 11:23

Qa kapernaum niye, maḣpiya ekta wankan aniyanpi, tuka wicaḣapi ekta eḣpeniyanpi kta; wicoḣan tanka niye en econpi kin hena Sodom en econpi unkanś, anpetu kin dehanyan ecen un kta tuka.

Mattheos 17:24

Hehan Kapernaum en hipi qehan, tona mazaska mnayanpi ece kin Inyan en hipi qa heyapi; Waonspeniciyapi kin he mazaska mnayanpi en iyoḣpeye kta he.

Mattheos 4:14

Hecen Isaya oie qon yuecetupi kta;

Mattheos 4:15

Zabulon makoce qa Nephtalim makoce, mde kahda ocanku kin, Jordan akasanpa tanhan, Galile Ikcewicaśta ounyanpi kin:

Mattheos 9:1

Hehan wata kin en okipe c̣a akasanpa kihde c̣a iye totonwe kin en ki.

Markos 1:21

Hehan Kapernaum en yapi; unkan anpetu wakan icunhan omniciye tipi kin katinyan en ye c̣a, woyaka.

Markos 2:1

Anpetu tonana iyohakam hehan ake Kapernaum en i; unkan ti mahen yanka he oyakapi.

Lukas 10:15

Qa niye Kapernaum, yuwankan maḣpiya ekta aniyanpi kin, kuya wakanśica ti kin ekta iyaye niyanpi kta ce, eya.

Lukas 4:23

Unkan hewicakiya; Awicakehan iapi kin de ecen emayakiapi kta; Niye pejihuta wicaśta kin, asniic̣iya wo: Kapernaum ekta token ecanon naunḣonpi kin, makoce nitawa kin den nakun ecen econ wo.

Johannes 2:12

He Iyohakam Kapernaum ekta apamahde iyaya, iye qa hunku qa sunkaku qa waonspewicakiye cin hena koya om; unkan anpetu tonana hen yakonpi.

Johannes 4:46

Unkan Galile en Kana otonwe kin, mini ikceka miniśa icaḣye ciqon he ake en hdi. Unkan Kapernaum ekta wicaśta itancan wanji cinhintku wayazanka:

Johannes 6:17

Qa wata wan en opapi qa mde kin he opta yapi, Kapernaum heciya i wacinpi. Unkan otpaza tuka nahanḣin Jesus ekta wicahi śni.

Johannes 6:24

Oyate kin Jesus waonspewicakiye cin om he en yukanpi śni wanyakapi, unkan oyate kin wata kin hena en opapi qa mde kin opta yapi, Jesus Kapernaum heci un kin he akin yapi.

Johannes 6:59

Kapernaum en omniciye tipi kin he ohna waonspekiya icunhan hena hecen eya.