Mattheos 4:10 - Dakota Wowapi Wakan Kin

¹⁰ Hehan Jesus heciya; Satan miḣeyata ya wo; Itancan Wakantanka nitawa kin he ohoyada kta, qa iśnana wowidagniye kta ce, eya owapi tuka qon.

Mattheos 4:10 Iomraidhean Croise

Mattheos 16:23

Tuka iye ihduhomni qa Inyan heciya; Satan mihektapa tanhan ya wo, tokamayaya; Wakantanka taku tawa kin awacanni śni, tuka wicaśta taku tawapi kin.

Markos 1:13

Unkan anpetu wikcemna topa ḣewotahedan makoce kin en un; qa hen Satan iyutanyan; wamanica kin om un, unkan maḣpiya ohnihde kin okiyapi ece.

Lukas 10:18

Unkan hewicakiya; Maḣpiya kin eciyatanhan wakanhdi iyecen Satan hinḣpaya wanmdaka ce.

Lukas 11:18

Qa Satan iś iye ic̣ipajin kinhan tokiconze kin he token ecin ecen he kta he. Beelzebub eciyatanhan wakan śica napewicawaya ece, kehapi kin heon etanhan.

Lukas 13:16

Unkan winoḣinca kin de Abraham cunwintkuwicaye cin wanji ee, Satan iho, waniyetu ake śahdogan hehanyan kaśka hnaka, he iś anpetu wakan icunhan kiyuśkapi kte śni iyececa he.

Lukas 22:3

Unkan akenonpapi kin etanhan, wanji Judas Iskariot eciyapi kin he Satan tancan mahen iyaya.

Lukas 22:31

Hehan Itancan kin heya; Simon, Simon, iho, Satan niyuhe c̣a, aguyapi su iyecen niyucan kta e cin tuka ce.

Lukas 4:8

Unkan Jesus waayupte c̣a heciya; Satan, mitapetepa tanhan ya wo: Itancan Wakantanka nitawa kin, he iye itokam makata eḣpenic̣iye kta, qa iye iśnana ahoyape kta ce, eya owapi ce.

Johannes 13:27

Unkan Judas ḣpanyanpi kin icu, hehan Satan mahen iyaya. Hecen Jesus heciya; Taku ecanon kte cin kohanna econ wo.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Olianyanpi kin 5:3

Tuka Inyan heciya; Ananias, tokeca e Woniya Wakan kin oiyaton kte śni e Satan nicante kin en ocowasin iyoḣpaya, qa maga iyopeyapi kin apa anayakiḣman he;

I. Korinth 5:5

Wicaśta kin he Satan yaqupi kta, ceḣpi yutakuni kte śni, hecen Jesus Itancan kin taanpetu kin en nagi kin ni kta.

I. Korinth 7:5

Otoiyohi tancan eḣpekiciyapi śni po, ptecedan hehanyan, napin wicayadapi kinhan heceedan, takudan yute śni qa wocekiye eyapi kin en ocowasin yenic̣iyapi kte cin heon, kinhan ake napin yahdapi kta, unmana kinhan oic̣ihipi śni kin on Satan iyutanniyanpi kta naceca.

II. Korinth 11:14

Qa he taku wowioihan śni, Satan iye kaeś iyoyanpa ohnihde kin iyecen ihduza.

II. Korinth 12:7

Unkan woyakapi tanka kin on etanhan waḣanmic̣ida kte śni heon taku pepe wan miceḣpi kin en maqupi, Satan taokiye wanji hee, śicay a makuwa kta heon, waḣanmic̣ida kte śni heon etanhan.

II. Korinth 2:11

Hecen Satan ohiunyanpi kte śni; iye token ic̣iconze cin sdonunyanpi.

Jakob 4:7

Heon etanhan, Wakantanka ihukuya iyeic̣iya po. Wakanśica kipajin po, kinhan nanicipapi kta.

I. Inyan 5:9

Sutaya wacinyayapi kin on he kipajin po; nihunkawanjipi maka akan unpi kin hena en wokakije kin dena iyececa yuśtanpi ece e sdonyayapi.