Mattheos 3:6 - Dakota Wowapi Wakan Kin

⁶ Unkan Jordan en baptem wicaqu, woaḣtani ohdakapi.

Mattheos 3:6 Iomraidhean Croise

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Markos 1:5

Unkan Juda makoce kin owancaya tanhan, qa nakun Jerusalem etanhan ekta yapi; unkan woaḣtani ohdaka, Jordan wakpa kin en, iye owasin baptem wicaqu.

Lukas 1:16

Unkan iye Israel cinca kin wicota Itancan Wakantanka tawapi kin ekta wicayahomni kta.

Lukas 3:16

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Olianyanpi kin 1:5

Awicakehan Johannes mini on baptem wicaqu, tuka tokata anpetu tonana ihan, hehan Woniya Wakan on baptem nic̣upi kta ce, eya.

Olianyanpi kin 11:16

Hehan Itancan oie qon weksuya; Awicakehan Johannes mini on baptem wicaqu, tuka niyepi kin Woniya Wakan on baptem nic̣upi kta ce eye ciqon he.

Olianyanpi kin 19:18

Unkan tona wicadapi kin etanhan wicota en ahi, qa wohdakapi, wicoḣan qon ohdakapi;

Olianyanpi kin 22:16

Unkan nakaha taku e ayape he. Najin wo, baptem nic̣upi kta, Itancan caje kin hoyeyakiye kta, hecen wayaḣtani kin yakpakinte kta ce, eya.

I. Korinth 10:2

Qa owasin maḣpiya śapa qa miniwanca kin en Moses baptem wicaqu.

Kolosse 2:12

Baptem on iye kici nihnakapi, qa nakun kici ekicetu niyanpi, Wakantanka wicaṭe cin etanhan najin kiye cin he wowaśake kin wicayadapi kin heon etanhan.

Hebrew 6:2

Baptem eyapi woonspe kin, qa nape on awicaputakapi, qa wioaṭe cin ekicetuwicayapi, qa woyaco owihanke wanice cin hena koya.

Hebrew 9:10

Hena e woyuecetu kte anpetu kin hehanyan, woyute, qa woyatke, qa woyujaja ota, econ wicaśipi kin.

Jakob 5:16

Wayaḣtanipi kin otoiyohi okiciciyakapi qa otoiyohi wocekiye ekiciciya po, hecen anisnipi kta. Wicaśta owotanna nina waśagya cekiye cin he taku tanka okihi ece.

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

I. Johannes 1:9

Tuka waunḣtanipi kin unkohdakapi kinhan, iye kin wacinyepica qa owotanna un, hecen woaḣtani yutokan iyeunkiciciyapi kta, qa taku śica owasin unkipakintapi kta.