Mattheos 3:2 - Dakota Wowapi Wakan Kin

² Qa heya; ihduecetu po, maḣpiya wokiconze kin wanna kiyedan u ce.

Mattheos 3:2 Iomraidhean Croise

Mattheos 10:7

Qa dapi eca yaotanin po, qa; Maḣpiya wokiconze kin wanna kiyedan un ce, eya po.

Mattheos 11:20

Hehan otonwe kin tona en iye oḣan tanka econpi qon hena iyopewicaya, iyopeic̣iyapi śni heon.

Mattheos 12:41

Woyaco anpetu kin en Ninewe wicaśta kin inajinpi qa wicoicage kin de yacopi kta; hena e Jonas woyake cin on iyopeic̣iyapi tuka; unkan iho, Jonas isanpa tanka wanji den un.

Mattheos 13:11

Unkan iye awicayupte c̣a heya; Maḣpiya wokiconze woanaḣbe kin niye oyakaḣnigapi kta nic̣upi, tuka hena hecen wicaqupi śni, heon etanhan.

Mattheos 13:24

Wiyacinpi tokeca wan owicakiyake c̣a heya; Maḣpiya wokiconze kin wicaśta wan iye tamaga en su waśteśte oju kin he iyececa.

Mattheos 13:31

Wiyacinpi tokeca wan owicakiyake c̣a heya; Maḣpiya wokiconze kin sinape su wanji iyececa, he wicaśta wan icu qa iye tamaga kin en oju.

Mattheos 13:33

Wiyacinpi tokeca wan owicakiyaka; Maḣpiya wokiconze kin on napoḣyapi kin iyececa, he winoḣinca wan icu qa wotpanpi wiyutapi yamni en inaḣman, hecen ocowasin napoḣyapi.

Mattheos 13:47

Akeś maḣpiya wokiconze kin he ho wan, mde kin en iyoḣpeyapi, qa ocaje owasin etanhan manaye cin, he iyececa;

Mattheos 13:52

Hehan hewicakiya; Heon etanhan wowapi kaga otoiyohi, maḣpiya wokiconze on onspekiyapi kin, he wicaśta wan tipi yuhe c̣a, mazopiye tawa kin etanhan taku teca tannika ko ikikcu ece kin he iyececa.

Mattheos 18:23

Heon etanhan maḣpiya wokiconze kin wicaśtayatapi wan iyececa, he wowidake wicayuhe cin wicakiciyawa kta:

Mattheos 20:1

Maḣpiya wokiconze kin he wicaśta wan tipi yuhe cin he iyececa, he hanḣanna ḣinca hastanhanka iyuwi ojupi tawa kicanyanpi kte cin wicaśta opeton iyaya.

Mattheos 22:2

Wicaśta wan wicaśtayatapi heca cinhintku kin wakankiciyuzapi kicage cin he maḣpiya wokiconze kin iyececa.

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Mattheos 25:1

Hehan maḣpiya wokiconze kin witanśna unpi wikcemna iyacinpi kta; petijanjan ihupa ikikcupi qa tawicu ton kte cin he itkokim iyayapi.

Mattheos 25:14

He iyecen wicaśta wan makoce tokeca ekta ye kta, hehan wowidake wicayuhe cin wicakico, qa woyuha tawa kin wicakipamni.

Mattheos 4:17

Unkan hetanhan Jesus woyaka aye c̣a heya ece; Ihduecetu po, maḣpiya wokiconze kin wanna kiyedan u ce.

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 5:10

Tona woowotanna econpi kin on śicaya kuwapi kin hena wicayawaśtepi; maḣpiya wokiconze kin he tawapi ece.

Mattheos 5:3

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Mattheos 6:10

Nitokiconze u kte; Nitawacin ecen econpi nunwe, maḣpiya kin en iyececa, nakun makaakan:

Mattheos 6:33

Tuka Wakantanka tokiconze kin he tokaheya akita po, qa toowotanna nakun; kinhan dena taku owasin koya nic̣upi kta.

Markos 1:15

Qa heya; Wanna iyehantu, Wakantanka tokiconze kin kiyedan un; iyopeic̣iya po, qa wotanin waśte kin wicada po.

Markos 1:4

Johannes ḣewotahedan baptem wicaqu, qa woaḣtani kajujupi kta, on iyopeic̣iyapi baptem wicaqupi kin he oyaka ece.

Markos 6:12

Unkan iyayapi, qa wicaśta ihduecetupi kta e woyakapi.

Lukas 1:16

Unkan iye Israel cinca kin wicota Itancan Wakantanka tawapi kin ekta wicayahomni kta.

Lukas 11:20

Tuka miye Wakantanka napsukaza on wakan śica napewicawaya ehantanhan, Wakantanka tokiconze kin awicakehan nihiyohipi ce.

Lukas 13:3

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce.

Lukas 13:5

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce, eya.

Lukas 15:10

He iyececa waḣtanipi sa wanjidan iyopeic̣iya ec̣a, on Wakantanka taoḣnihde kin wicitokam wiyuśkinpi ece, eciciyapi ce.

Lukas 15:7

Heciciyapi ce; he iyececa, waḣtanipi sa wanjidan iyopeic̣iya eca, maḣpiya ekta wiyuśkinpi ece e kta, wicaśta owotanna qa woaḣtani on iyopeic̣iyapi kta iyececapi śni wikcemna napcinwanka sanpa napcinwanka on iyecen wiyuśkinpi kte śni.

Lukas 16:30

Tuka heya; Hiya, ate Abraham: tuka ṭapi kin eciyatonhan wanji ekta wicai unkanś, ihduecetupi kta tuka.

Lukas 21:31

Iho he iyececa, taku kin dena iyecetu wandakapi kinhan, Wakantanka tokiconze kin he wanna ikiyedan un e sdonya po.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Lukas 6:20

Unkan waonspewicakiye cin awicatonwe, c̣a heya; Niwaḣpanicapi kin niś niyawaśtepi ce; Wakantanka tokiconze kin he niye nitawapi.

Lukas 9:2

Qa Wakantanka tokiconze kin oyakapi kta, qa wayazankapi kin asniwicayapi kta ye wicaśi.

Olianyanpi kin 11:18

Hena oie kin naḣonpi unkan inina yukanpi qa Wakantanka yatanpi qa heyapi; Awicakehan Ikcewicaśta on nipi kta e ihduecetupi kin Wakantanka wicaqu ce.

Olianyanpi kin 17:30

Qa wookaḣnige śni omaka kin hena, Wakantanka ekta etonwe śni; tuka wanna wicaśta owasin owancaya ihduecetu wicaśi.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 20:21

Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.

Olianyanpi kin 26:20

Tuka tokaheya Damaskos en yakonpi, qa Jerusalem, qa Juda makoce kin owancaya, qa nakun Ikcewicaśta kin, ihduecetupi, qa Wakantanka ekta ihduhomnipi kta, qa ihduecetupi wicoḣan kin econpi kta hena hecen owicawakiyaka ece.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;

II. Korinth 7:10

Wakantanka eciyatanhan iyowicakiśice cin he ihduecetupi on wiconi kta, on tohinni iyopeic̣iyapi śni kin he kaga; tuka wicoic̣age kin de en iyowicakiśice cin he wiconṭe icaḣya.

Kolosse 1:13

He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:

II. Timotheos 2:25

Qa tona tokaic̣iya unpi kin hena iwahnana wahokonwicakiye kta, okinni Wakantanka ihduecetupi wicaqu kta, hecen wowicake kin iyukcanpi kta.

Hebrew 6:1

Heon etanhan Messiya woonspe tokaheya tawa kin he hekta eḣpeunkiyapi, qa woyuśtan ekta unyanpi kta; wiconṭe wicoḣan on iyopeic̣iyapi, qa Wakantanka wacinyanpi kin taku ahe cin akta eunhdepi kte śni;

II. Inyan 3:9

Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.

Wayuotanin 2:21

Unkan he wawiciḣaḣapi econ kin on iyopeic̣iye kta e anpetu waqu, tuka iyopeic̣iye śni.

Wayuotanin 2:5

Heon tokiya tanhan nihinḣpaye cin he kiksuye, c̣a ihduecetu, qa nioḣan tokaheya kin hduśtan wo. Hecanon śni kinhan kohanna ekta ciu, qa petijanjan nitawa kin yutokan iyeciciye kta, nihduecetu śni kinhan.