Mattheos 3:15 - Dakota Wowapi Wakan Kin

¹⁵ Tuka Jesus ayupte c̣a heciya; Dehan iyowinyan wo; decen wicoowotanna ocowasin unśtan kta iyececa. Hehan iyowinkiya.

Mattheos 3:15 Iomraidhean Croise

Mattheos 3:14

Tuka Johannes teḣinda qa heya; Baptem mayaqu kta iyemaceca, qa niś en mayahi he.

Lukas 1:6

Hena sakim Wakantanka itokam owotanpidan, qa Itancan tawoahope qa wicoope tawa kin owasin omanipi, iyaonpepica śni unpi.

Johannes 13:15

Waonspeoiciyapi kin he niś he iyecen ecanonpi kta e hecaciconpi.

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 8:29

Tuwe u maśi kin he mici un; Ate miśnana amahduśtan śni; taku iyokipi ecen ecamon ece, heon etanhan, eya.

Hebrew 7:26

Wawayuśna Itancan kin hececa he iyounkipipi, wakan, iyaonpepica śni, waaśape śni, qa waḣtanipi sa wicicunonpa un, qa maḣpiya kin sanpa wankantuya icaḣyapi.

I. Johannes 2:6

Tuwe he kici un keye cinhan, iye token omani qon iś iyecen omani kta iyececa.