Mattheos 3:12 - Dakota Wowapi Wakan Kin

¹² Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kasnipica śni on ḣuḣnaḣye kta.

Mattheos 3:12 Iomraidhean Croise

Mattheos 13:30

Ito woksapi kta hehanyan napin icicahiya icage kta. Unkan woksapi anpetu kin he en, wayuksapi kin hewicawakiye kta; Tokaheya wayahota pahipi qa ḣuḣnaḣyapi kta on paḣta po; tuka aguyapi kin he dotopiye mitawa en omnayan po.

Mattheos 13:41

Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:

Mattheos 13:42

Qa peta mde kin en eḣpewicayapi kta; hen wicaceya hi hdakinskinzapi ko yuke kta.

Mattheos 13:43

Hehan wicaśta owotanna kin anpetu wi kin iyecen iyegapi kta, atkukupi tokiconze kin en. Tuwe noge winaḣon kta yukan hecinhan, ito naḣon kta.

Lukas 3:16

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Lukas 3:17

He iye wicaduge nape ohna hduhe, c̣a owanka tawa kin tanyan hduska kta; qa aguyapi su kin he tpahi, qa canwohnaka kin en okihnake kta; tuka ha kin e peta kasnipica śni wan on ḣuḣnaḣye kta ce, eya.

Johannes 15:2

Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.