Mattheos 28:9 - Dakota Wowapi Wakan Kin

⁹ Unkan waonspewicakiye cin hośi wicakahdapi icunhan, iho, Jesus itkowicakipa qa heya; Wiyuśkin po. Unkan en hipi qa siha en yuzapi qa ohodapi.

Mattheos 28:9 Iomraidhean Croise

Mattheos 14:33

Hehan wata en unpi kin en hipi, makata eḣpeic̣iyapi qa heciyapi; Awicakehan Wakantanka Cinhintku kin he niye.

Mattheos 23:7

Qa tihocoka kin en wicayuwintapi, qa, Itancan, Itancan wicaśta ewicakiyapi kta cinpi.

Mattheos 28:10

Hehan hewicakiya; Kopehdapi śni po; mihunkawanji owicakiyag ya po, Galile ekta yapi kta; heciya wanmayakapi kta ce.

Mattheos 28:17

Unkan wanyakapi hehan ohodapi; tuka apa ceṭunhdapi.

Mattheos 28:8

Unkan wokokipe wowiyuśkin tanka ko yuha koyaḣanna kihdapi; waonspewicakiye cin hośi wicakakipi kta inyang hdapi.

Lukas 1:28

Unkan ohnihde wakan kin he en hi qa heciya; Wiyuśkin wo, waśteya yaun kin; Itancan kin niciun, winoḣinca owicapeya niye niyawaśtepi ce.

Lukas 24:52

Unkan iye ohodapi, qa wowiyuśkin tanka yuha Jerusalem ekta kipi:

Lukas 7:38

Qa tapetepa tanhan siha kin en ceya najin, qa iśta minihanpe kin on siha kiciyujaja, qa paha kin on kicipakinta c̣a, siha kin ikiciputake, c̣a ihepi qon on sdakiciciya.

Johannes 12:3

Hehan Mary wihdi waśtemna qa taku ota iyopeyapi, tke utapi wanjidan, he icu qa on. Jesus siha kin sdakiye c̣a, iye paha kin on siha kipakinta; unkan ecamna kin tipi kin ojudan.

Johannes 20:19

Anpetu kin he anpetu tokaheya kin ee, ihtayetu kin he en waonspewicakiye cin, Juda oyate kowicakipa, qa aonaic̣itag yukanpi, en Jesus wicacokaya inajin, qa, Wookiye nicipi un kte, ewicakiya.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

II. Korinth 13:11

Ehake, hunkawanjin ciyapi kin, wiyuśkin po; oihduśtan un po, cante wuśte po, okonwanjidan awacin po, wokiyapi kin en un po; qa wowaśte, wookiye ko Wakantanka kin nicipi un nunwe.

Wayuotanin 3:9

Ito, Satan omniciye tawa kin etanhanpi Juda wicaśta keic̣iyapi, tuka hecapi śni, qa itonpi śni kin, hena iho, upi, qa nisiha kin itokam canpeśka makehde inajin wicawakiye kta, qa waśtecicida e sdonyapi kta.