Mattheos 28:6 - Dakota Wowapi Wakan Kin

⁶ Den un śni; wanna ihduekicetu, heye ciqon iyececa: Kuwa po, Itancan kin wanke ciqon he wanyaka miye.

Mattheos 28:6 Iomraidhean Croise

Mattheos 12:40

Anpetu yamni qa hanyetu yamni hehanyan Jonas hogan tanka tezi kin ohna un qon, he iyecen anpetu yamni qa hanyetu yamni Wicaśta Cinhintku kin maka cante kin en un kta.

Mattheos 16:21

Hetanhan Jesus waonspewicakiye cin wowicakiyaka, Jerusalem ekta ye kta iyececa, qa wicaḣincapi, wośnapi kagapi, wowapi kagapi ko on taku ota kakije kta, qa ktepi kta, qa anpetu iciyamni hehan ake kini kta, hena owicakiyaka.

Mattheos 17:23

Unkan kte pi kta, qa anpetu iciyamni kinḣan ake piya ikicage kta ce, eya. Unkan nina iyokiśicapi.

Mattheos 17:9

Unkan paha kin etanhan kun hdicupi, hehan Jesus wahokonwicakiye c̣a heya; Wowanyake kin he tuwedan okiyakapi śni po, Wicaśta Cinhintku kin wiconṭe etanhan piya ikicage śni hehanyan.

Mattheos 20:19

Qa iḣaḣapi kta, kapsinpsintapi kta, qa icipaweḣ okatanpi kta on Ikcewicaśta iyoopta wicaqupi kta; unkan anpetu iciyamni hehan kini kta ce.

Mattheos 27:63

Qa heyapi; Itancan, wicahnaye sa kin de ni un qehan, Anpetu yamni hehan wakini kta ce, eya keyapi, he unkiksuyapi.

Markos 16:6

Tuka iye hewicakiya; Ihnuhan niyuśinyayapi kinhan; Jesus Nazareth etanhan, icipaweḣ okatanpi qon he oyadepi; wanna ihduekicetu; den wanke śni; tukten hnakapi qon he wanyaka po.

Markos 8:31

Hehan wowicakiyaka, Wicaśta Cinhintku kin taku ota kakije kta; wicaḣincapi qa wośnapi kagapi, wowapi kagapi ko ḣeyata iyeyapi kta, qa ktepi kta; qa anpetu yamni iyohakam kini kta.

Lukas 24:12

Hehan Inyan najin hiyaye c̣a wicaśta hnakapi kin ekta inyang iyaya; qa en eyokasin qehau miniḣuha wokoyake kin iśnana ehnakapi wanyaka; hehan hdicu qa cante mahen taku econpi kin on inihanyan awacin un.

Lukas 24:23

Iye tancan kin iyeyapi śni qehan, hdicupi qa ohnihde wakan kin heca wanwicayakapi, qa hena he ni un keyapi ce, eya unkokiyakapi.

Lukas 24:44

Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Johannes 10:17

Wiconi mitawa eḣpewakiye c̣a, ake ewehdaku kte cin heon Ate waśte makidaka.

Johannes 2:19

Unkan Jesus waayupte c̣a, Tipi kin de ihangya po, qa anpetu iciyamni kin han ake ekicetuwaye kta, ewicakiya.

Olianyanpi kin 2:24

Hee Wakantanka ekicetu ye c̣a, wiconṭe icaśke kin kiyuśka, en yuhapi kta okihipica śni nakaeś.