Mattheos 26:45 - Dakota Wowapi Wakan Kin

⁴⁵ Hehan waonspewicakiye cin en wicahdi qa hewicakiya; Wanna niśtinmapi qa ozinic̣iyapi he; iho, wanna iyehantu, qa Wicaśta Cinhintku kin waḣtanipi sa napepi kin en wicaqupi.

Mattheos 26:45 Iomraidhean Croise

Mattheos 26:18

Unkan heya; Otonwe kin en ya po, qa wicaśta kae heciya po; Wanna iyemicihantu, woacakśin kin yati en waonspewicawakiye cin om ecamon kta ce, Waonspekiye cin heya ce.

Mattheos 26:2

Anpetu nom iyohakam woacakśin kin hehantu kta sdonyayapi; hehan Wicaśta Cinhintku kin icipaweḣ okatanpi kta e wicaqupi kta.

Mattheos 26:44

Unkan eḣpewicaye c̣a ake iyaye c̣a iyamni cekiya, oie un qon hena ake ohna ecen eya.

Mattheos 26:46

Najin po, unyanpi kta; iho, tuwe wiyopemaye cin he kiyedan u ce.

Markos 14:35

Unkan hetanhan kitan ecinyan iyoopta ye c̣a, makata iḣpaye c̣a cekiya, okihipica kinhan, wihiyayedan cape kin he tokan iyaye kta.

Lukas 22:53

Anpetu iyohi tipi wakan kin ohna opeya ciunpi qon ehan, tuwedan nape kin itkom hiyumayakiyapi śni; tuka dehan nakaha kin he niye nitawapi, qa otpaza wowaśake kin, eya.

Johannes 12:23

Unkan Jesus awicayupte c̣a heya; Anpetu wan en Wicaśtra Cinhintku kin yutanpi kte cin wanna hiyohi.

Johannes 12:27

Wanna minagi kin nagiyeyapi, hecen token epe kta he. Ate, anpetu kin de etanhan emahdaku wo. Tuka heon anpetu kin de en wahi ce.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.