Mattheos 26:39 - Dakota Wowapi Wakan Kin

³⁹ Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Mattheos 26:39 Iomraidhean Croise

Mattheos 20:22

Tuka Jesus waayupte c̣a heya; Taku yadapi kin sdonyakiyapi śni. Wiyutke etanhan mdatke kte cin he etanhan yatkan oyakihipi he; qa baptem maqupi kte cin he niś eya nic̣upi kta oyakihipi he. Unkan, Unkokihipi ce, eciyapi.

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Markos 13:22

Messiya itonpiśni qa wicaśta wokcan itonpiśni kin heca icagapi kta, qa wowapetokeca taku wowinihan ko econpi kta, okihipica unkanś wicakaḣnigapi kin hena eepi kaeś wicahnayanpi kta tuka.

Lukas 17:16

Qa siha kin en ite makipuskin eḣpeic̣iye c̣a, wopida eciya: unkan he Samaria wicaśta kin heca.

Johannes 11:41

Hehan inyan kin tokan iyeyapi; wicaśta ṭa wanke cin etanhan. Unkan Jesus iśta yuwankan ikikcu, qa heya; Ate ciyawaśte, namayaḣon kin heon;

Johannes 14:31

Tuka Atewaye cin waśtewakida; qa Ate taka emakiye cin owasin ecen ecamon ece, he oyate kin sdonyapi kta. Najin po, detanhan icunonpa unyanpi kta.

Johannes 18:11

Hehan Jesus Inyan heciya; Mazasagye nitawa ojuha en iyekiya wo. Wiyatke Ate maqu kin he mdatke kte śni he.

Johannes 5:19

Unkan Jesus waayupte c̣a hewicakiya; Wowicake, wowicake eciyatanhan heciciyapi, Cinhintkuyapi kin takudan iye cinka econ kta okihi śni; Ateye cin taku econ wanyaka eca, hehan Cinhintku kin iś eya iyecen econ ece.

Johannes 5:30

Miye cinka taku ecamon owakitpani; taku mdaco kin hena taku nawaḣon kin heoiya tanhan; qa taku mdaco kin hena hecetu. Miye mitawacin he owakide śni, tuwe u maśi kin he tawacin owade.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Olianyanpi kin 10:25

Unkan Inyan en u, hehan Kornelios itkokim ye c̣a, siha kin en makata eḣpeiciye c̣a cekiya.

Philippi 2:8

Qa wicaśta ouncage kin en un qehan, ihduhukuya qa wiconṭe ekta aiyahdeya wanaḣon yanka, can susbeca en ṭe cin he ehan.

Hebrew 5:7

He qe anpetu wicaceḣpi en un qehan, wocekiye, wokidapi ko eye c̣a, iśta mnigaga nina hoyekiye c̣a, tuwe wiconṭe etanhan ehdaku kta okihi kin he cekiye c̣a, kokipeyahan un kin, heon naḣonpi.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.