Mattheos 26:24 - Dakota Wowapi Wakan Kin

²⁴ Wowapi en kagapi qon he iyecen, Wicaśta Cinhintku kin ye kta; tuka wicaśta kin Wicaśta Cinhintku kin wiyopeye cinhan he woteḣi kiciyanke kta; wicaśta kin he tohinni tonpi śni unkanś waśte kta tuka.

Mattheos 26:24 Iomraidhean Croise

Mattheos 18:7

Waḣtaniwicayapi kin on oyate kin woteḣi yuhapi kta; eya waḣtanikiyapi yuke kta iyececa; tuka wicaśta tuwe waḣtaniwicaya hecinhan, he woteḣi yuhe kta.

Mattheos 26:31

Hehan Jesus hewicakiya; Hanyetu kin de niyepi owasin eḣpemayayapi kta. Kaken wowapi en kagapi; Waawanhdake kin he awape kta, unkan hetanhan taḣinca wanunyanpi optaye kin enanakiya iyayapi kta.

Mattheos 26:54

Tuka hecetu kinhan, wowapi en kagapi, he decetu kta eyapi qon he token yuecetupi kta he.

Mattheos 26:56

Tuka dena owasin econpi, wicaśta wokcan taku owapi qon he yuecetupi kta heon. Hehan waonspewicakiye cin owasin eḣpeyapi qa najicapi.

Markos 14:21

Wicaśta Cinhintku kin awicakehan token wowapi en kagapi qon he iyecen iyoopta ya, tuka wicaśta kin tuwe Wicaśta Cinhintku kin wiyopeye cinhan, he woteḣi yuhe kta; wicaśta kin he tohinni tonpi śni unkanś waśte kta tuka.

Markos 9:12

Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.

Lukas 22:22

Unkan Wicaśta Cinhintku kin token kiconzapi qon ecen ye kta e hecetu; tuka tuwe he wiyopeya hecinhan he wicaśta kin woteḣi kiciyanka ce.

Lukas 24:46

Unkan hewicakiya; Hecen owapi, qa Messiya hecen kakije c̣a, anpetu iyamni kinhan ake kini kte ciqon, he hecetu:

Johannes 17:12

Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin eḣpekiyapi śni, wicaśta wayutakuni śni cinhintku kin hecedan eḣpekiyapi, hecen wowapi en un qon wanna iyecetu.

Johannes 19:24

Heon etanhan iye iyakitedan hekiciyapi; Śina kin he unyuḣdecapi kte śni, econkupidan qa yeunkiyapi kta, hecen tuwe ohiye cinhan yuhe kta. Hecen wowapi en kagapi qon he iyecetu; Mi tawokoyake kicipamnipi, qa mitaśina kin he oeconna en yekiyapi ce. Unkan akicita kin hena hecen econpi.

Johannes 19:28

Wanna taku kin owasin ecetu Jesus wanyaka, qa wowapi en kagapi qon iyecetu kta e heon, Imapuza ce, eya.

Olianyanpi kin 2:23

He qe Wakantanka atayedan wakiconze c̣a, iye osdonye kin eciyatanhan qupi qon, he iyacupi, qa nape śikśica on icipaweḣ oyakatanpi, qa yaktepi.

Olianyanpi kin 28:23

Unkan anpetu wan cajeyatapi kin he en wicota Palos yanke cin en hipi; unkan iś Wakantanka tokiconze kin yaotanin, qa onspewicakiye c̣a, Moses teope kin wicaśta wokcan ko, etanhan Jesus on wahokonwicakiya, anpao kin etanhan otpaze cin hehanyan.

Olianyanpi kin 4:28

Ehanna taku, ninape nitawacin ko on, econ yakonze ciqon, he ecen econpi kta heon etanhan.

I. Korinth 15:3

Otokaheya ekta taku iwacu qon he cic̣upi; Waunḣtanipi kin on Messiya ṭe cin, wowapi wakan eye cin ecetu;