Mattheos 26:18 - Dakota Wowapi Wakan Kin

¹⁸ Unkan heya; Otonwe kin en ya po, qa wicaśta kae heciya po; Wanna iyemicihantu, woacakśin kin yati en waonspewicawakiye cin om ecamon kta ce, Waonspekiye cin heya ce.

Mattheos 26:18 Iomraidhean Croise

Mattheos 21:3

Qa tuwe taku eniciyapi kinhan, Itancan kin hena cin ce, eya po; kinhan kohanna awicau niśipi kta.

Mattheos 23:10

Qa nakum, Waonspekiye, eniciyapi kte śni; Wanji Waonspekiye duhapi, Messiya hee.

Mattheos 23:8

Tuka niye, Itancan, eniciyapi kte śni; wanji mdetahunka duhapi, Messiya hee; qa niyepi ewasin hunkawanjinyeciyapi.

Mattheos 26:19

Unkan waonspewicakiye cin Jesus econ wicaśi kin ecen econpi, qa woacakśin kin wiyeya ehnakapi.

Mattheos 26:2

Anpetu nom iyohakam woacakśin kin hehantu kta sdonyayapi; hehan Wicaśta Cinhintku kin icipaweḣ okatanpi kta e wicaqupi kta.

Mattheos 26:49

Unkan katinyan Jesus en hi qa, Iho, Itancan, eye c̣a i iputaka.

Markos 5:35

Unkan iahan icunhan omniciye tipi itancan ti kin eciyatanhan upi qa heyapi; Nicunkśi wanna ṭa; tokeca sanpa Waonspekiye cin nagiyeyaya he.

Lukas 22:53

Anpetu iyohi tipi wakan kin ohna opeya ciunpi qon ehan, tuwedan nape kin itkom hiyumayakiyapi śni; tuka dehan nakaha kin he niye nitawapi, qa otpaza wowaśake kin, eya.

Johannes 11:28

Unkan hena hecen eya, hehan hde c̣a, tawinoḣtin Mary anaḣbeyahan kico, qa heciya; Itancan kin den un, qa nico ce.

Johannes 12:23

Unkan Jesus awicayupte c̣a heya; Anpetu wan en Wicaśtra Cinhintku kin yutanpi kte cin wanna hiyohi.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 20:16

Unkan Jesus heciya, Mary. Unkan iye ihdamna, qa, Rabboni, eciya; he Waonspekiye eyapi.

Johannes 7:30

Unkan heon ṭinsa yuze wacinpi, tuka nahaḣin iyehantu śni kin heon tuwedan nape on yutanpi śni.

Johannes 7:6

Heon Jesus hewicakiya; Miye anpetu kin hinyanḣin iyemicihantu śni; tuka niye qe anpetu kin ohinniyan wiyeya nioiyankapi.

Johannes 7:8

Niye qe wośnapi kte cin ekta ya po. Miye qe nahaḣin anpetu iyemicihantu śni, heon wośnapi kin he ekta mde kte śni ce.