Mattheos 26:13 - Dakota Wowapi Wakan Kin

¹³ Awicakehan heciciyapi; Maka kin owancaya wootanin waśte kin de tukten oyakapi hecinhan, winoḣinca kin de taku econ kin he wowitan on oyakapi ece e kta.

Mattheos 26:13 Iomraidhean Croise

Mattheos 24:14

Unkan wokiconze wotanin waśte kin de maka kin owancaya oyakapi kta, oyate owasin en wotanin un kta; qa hehan owihanke kta.

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Markos 13:10

Tuka tokaheya wotanin waśte kin he oyate owasin owicakiyakapi kta.

Markos 14:9

Awicakehan heciciyapi; Maka kin owancaya tukten wotanin waśte kin de oyakapi kinhan, winoḣinca kin de nakaha taku econ kin he oyakapi kta, wokiksuye kta e heon.

Markos 16:15

Unkan hewicakiya; Maka kin owancaya ya po, qa wicaśta otoiyohi wotanin waśte kin owicakiyaka po.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Olianyanpi kin 10:4

Unkan he opaḣta yanke c̣a inihan qa; Itancan taku he, eya. Unkan iś ito heciya; Wocekiye nitawa qa wacantkiya oyaḣande cin he Wakantanka itokam kiksuyapi.

Roma 10:18

Unkan miś, Hena naḣonpi śni he, epe. Hiya, hena oqo kin makoce owasin ekta iyaye c̣a wicoie kin maka ihanke kin hehanyan i.

Roma 15:19

Tuka wowapetokeca tanka, qa woyuśinyaye econpi, Wakantanka Taniya Wakan towaśake kin eciyatanhan, hecen Jerusalem etanhan, qa ohomniyan Ilurikon ekta Messiya tawootanin waśte kin omdaka ece.

II. Korinth 10:18

Tuwe ihdaonihan kin he ecetudakapi kin ee śni, tuka Itancan kin tuwe yaonihan kin hee kta.

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

Kolosse 1:6

He en nihipi, maka kin owancaya iyaye cin he iyececa, qa waskuyeca aicaga, niyepi kin en nakun, anpetu kin en nayaḣonpi, qa awicakehan Wakantanka towaonśida iyacupi qon ehantanhan.

I. Timotheos 2:6

He iye atayedan owasin opewicakiton kta e ic̣ic̣u, anpetu tawa kin waayatanin kte cin heon.

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

Wayuotanin 14:6

Hehan maḣpiya ohnihde tokeca wan maḣpiya cokaya kinyan iyaye cin he wanmdaka, wotanin waśte owihanke wanin un kin, tona maka akan unpi kin, wicaśta kin, qa wicowazi, qa iapi, qa oyate hiyeye cin owasin ieyanpaha owicakiyake kta yuha iyaya.