25 Iho, itokam hena ociciyakapi
Iho, taḣinca wanunyanpi śunktokeca wicehna iyecen yeciśipi; heon etanhan wamduśka iyecen ksapa po, qa wakiyedan iyecen waḣbapidan po.
Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.
Heon etanhan; Iho, ḣewotahedan un ce, eniciyapi eśta, ekta yapi śni po; qa, Iho naḣmana un ce, eniciyapi eśta, wicadapi śni po.
Unkan hecen on oniyakapi ece e kta.
Wayaḣtanipi kte śni e heon dena taku kin ociciyakapi.
Ociciyakapi qon he ake nakaha ociciyakapi, icinonpa ekta waun kin iyececa; qa nakaha en waun śni, tona toka waḣtanipi, wicaśta tokeca ko owasin, wowapi wicawecaga, ake ekta wai kinhan itonwicawape kte śni.
