Mattheos 24:11 - Dakota Wowapi Wakan Kin

¹¹ Qa wicaśta wokcan itonśni ota icagapi kta, qa wicota wicahnayanpi kta.

Mattheos 24:11 Iomraidhean Croise

Mattheos 24:12

Hehan wicoḣan śica ota icage kta, heon wicota waśtedake ciqon he sni aye kta.

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 24:5

Wicota mi caje on upi kta qa, Messiya he miye ce, eyapi kta; qa wicaśta ota wicahnayanpi kta.

Mattheos 7:15

Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi.

Markos 13:22

Messiya itonpiśni qa wicaśta wokcan itonpiśni kin heca icagapi kta, qa wowapetokeca taku wowinihan ko econpi kta, okihipica unkanś wicakaḣnigapi kin hena eepi kaeś wicahnayanpi kta tuka.

Olianyanpi kin 20:30

Qa niyepi enitanhanpi wicaśta icagapi kta, qa iś iyepi ihakam waonspewicakiyapi kin u wicakiyapi kta e nina yaśkiśkapi kta.

I. Timotheos 4:1

Woniya kin atayedan heya, Anpetu ihankeya kin en, wanjikśi wacinyanpi kin ayuśtanpi kta, qa woniya śapa wahnaye sa, qa taku wakan śica tawoonspe ko anagoptanpi kta.

II. Inyan 2:1

Tuka he ehan oyate kin ehna wicaśta wokcan itonpi śni yukan qon, he iyecen niyepi kin ehna waonspekiya itonpi śni kin heca yuke kta, naḣmana wohnuni woihangye kin en aupi kta, Itancan opewicakiton qon he eḣpeyapi, qa wicotakuniśni oḣanko amnaic̣iyapi kta.

I. Johannes 2:18

Hokśiyopa cikcistinpidan, anpetu ihankeya kin wanna hiyohi; unkan, Messiya kipajin kin he u kta ce, nayaḣonpi qon he iyecen Messiya kipajinpi kin ota wanna hipi; heon de anpetu ehake kin sdonunyanpi.

I. Johannes 2:26

Tona nihnayanpi kta cinpi kin hena on decen wowapi cicagapi.

I. Johannes 4:1

Waśtecicidapi kin, ihnuhan woniya owasin wicayadapi kinhan; tuka woniya kin wicayukcan po, Wakantanka etanhan unpi kinhan; wicaśta wokcan itonpiśni ota wanna wicoicage kin ehna iyayapi.

Judas 1:4

Wicaśta wanjikśi naḣmana en opapi, wanakajatanhan woyaco kin de on owicawapi; hena Taku Wakan iyececapi śni, qa Wakantanka unkitawapi towaonśida kin he wicowicaśtaśni kagapi, qa Wakantanka ecedan Itancan kin he anaḣmanpi, qa nakun Jesus Messiya Itancan unyanpi kin.

Wayuotanin 19:20

Hehan wamanica kin he niyake yuzapi, qa woitonśni wokcan kin he nakun, he wamanica kin itokam wowapetokeca econ, qa on tona wamanica wowapetogton tawa yuhapi, qa iyacinpi kin ohodapi kin hena wicahnaye cin hee. Unkan hena napin niyake peta mde wan inyan zi on itkonyahe cin he en iyoḣpewicayapi.