Mattheos 23:5 - Dakota Wowapi Wakan Kin

⁵ Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.

Mattheos 23:5 Iomraidhean Croise

Mattheos 9:20

Unkan iho, winoḣinca wan waniyetu ake nonpa wayazanka, we ece iheya, he idazatanhan en u qa taśina opapun kin yutan:

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Lukas 20:47

Qa wiwazica tipi tawapi kin temyapi; qa ihdutaninpi kta on wocekiye hanska eyapi ece; hena iś iyotan woyaco tanka iyahdeic̣iyapi kta ce.

Johannes 12:43

Wicaśta akantu yaonihanpi kin he iyotan dapi, qa Wakantanka wicayaonihan kin he iś iyotan dapi śni.

Johannes 5:44

Niye iyakitedan nitawootaninpi kin ayecitapi, qa Wakantanka eciyatanhan wootanin kin ayakitapi śni, he token on wicayadapi kta he.

Johannes 7:18

Tuwe iye en oie ic̣iye cinhan he iye towitan okide ece; tuka tuwe iś, tuwe uśi kin he towitan okicide kinhan, he iye wowicake, qa wicowicaśtaśni takudan en un śni.

Philippi 1:15

Hunḣ waakinicapi qa winawizipi kin on, qa hunḣ iś waśtedakapi kin on Messiya oyakapi ece.

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

II. Thessalonike 2:4

He iye taku Wakan eyapi kin, taku ohodapi ko owasin iwankam yeiciye c̣a kici kiciza, hecen iye tipi wakan Wakantanka tawa kin en, Wakantanka iyecen iyotanke c̣a Wakantanka keiciya oihdaka.