Mattheos 22:7 - Dakota Wowapi Wakan Kin

⁷ Wicaśtayatapi kin he naḣon qehan nina śihda; qa taakicita ekta yewicaśi, qa tinwicaktepi kin hena ihangwicaye c̣a totonwepi kin ḣuḣnaḣya.

Mattheos 22:7 Iomraidhean Croise

Mattheos 22:6

Qa hunḣ wicakico ipi kin hena wicayuzapi, qa śicaya wicakuwapi qa wicaktepi.

Mattheos 22:8

Hehan wowidake tawa kin hewicakiya; Wakankiciyuzapi kin wiyeya yanka, tuka tona en wicakicopi qon hena opapi kta iyececapi śni.

Lukas 19:27

Tuka tokamayanpi iwicawadake kta cinpi śni qon hena den awicaupi qa mitokam wicakte po, eya ce.

Lukas 21:21

Hehan tona Juda makoce kin en unpi kinhan, ḣe kin ekta najicapi kta; qa tona cokaya en unpi kinhan tankan inapapi kta; qa okśan makoce wanke cin tona en yakonpi kinhan, ekta hdicupi kte śni.

Lukas 21:24

Qa mazasagye ope kin on wankahanpi kta; qa oyate kin owasin ektakta wayaka awicahdapi kta; qa Ikcewicaśta kin Jerusalem naaṭinzapi kta, ecen Ikcewicasta kin taku iyewicakicihantu kta ce.

I. Thessalonike 2:16

Qa Ikcewicaśta nipi kte cin iwahokonwicunkiyapi kta he teḣindapi, qa hecen ohinniyan waḣtanipi kin hduśtanpi kta. Wocantiyahde owihanke aiyahdeya wanna en awicau.