Mattheos 22:13 - Dakota Wowapi Wakan Kin

¹³ Hehan wicaśtayatapi kin taokiyewicaye cin hewicakiya; Siha nape ko paḣtapi qa detanhan aya po, qa tankan otpaza kin en eḣpeya po; heciya wicaceya qa hi hdakinskinzapi yuke kta.

Mattheos 22:13 Iomraidhean Croise

Mattheos 12:29

Wicaśta waśaka ti kin en, tuwe tin iyaye c̣a taku tawa kin ihangye kta token okihi kta he; tokaheya wicaśta waśake cin kaśke cinhan hehan tipi kin ihangye kta.

Mattheos 13:30

Ito woksapi kta hehanyan napin icicahiya icage kta. Unkan woksapi anpetu kin he en, wayuksapi kin hewicawakiye kta; Tokaheya wayahota pahipi qa ḣuḣnaḣyapi kta on paḣta po; tuka aguyapi kin he dotopiye mitawa en omnayan po.

Mattheos 13:42

Qa peta mde kin en eḣpewicayapi kta; hen wicaceya hi hdakinskinzapi ko yuke kta.

Mattheos 13:50

Qa peta mde kin en iyoḣpewicayapi kta. Heciya wicaceya hi hdakinskinzapi ko yuke kta.

Mattheos 24:51

Qa cokaya kicakse kta, qa wanaic̣iḣmanpi kin om taku yuhekiye kta; heciya wicaceya qa hi hdakinskinzapi yuke kta.

Mattheos 25:30

Qa wowidake wakamna śni kin he tankan otpaza kin en eḣpeya po; heciya wicaceya qa hi hdakinskinzapi yuke kta.

Mattheos 8:12

Tuka wokiconze cincapi kin hena tankan iyewicayapi kta, otpaze ḣinca ekta; heciya wicaceya hi hdakinskinzapi ko yuke kta.

Lukas 13:28

Abraham, qa Isaak, qa Jakob, qa wicaśta wokcan owasin Wakantanka tokiconze kin en opapi tohan wandakapi, qa niyepi kin tankan iyayeniyanpi kinhan, wicaceya hihdakokokapi ko yuke kta.

Johannes 21:18

Wowicake, wowicake on heciciya; Koniśka qehan niye cinka ipiyag yeton qa tokiya yacin eca ekta da ece, tuka tohan winicaḣinca kinhan wicaśta tokeca wan ekta nape yeyakiye kta, kinhan ipiyag nicaton qa tokiya yacin śni eśta ekta aniye kta ce, eya.

Olianyanpi kin 21:11

Qa en unhiyupi qehan, Palos ipiyaka tawa kin icu, qa on siha nape ko iyaihdaśke c̣a, Woniya Wakan kin heya ce, Wicaśta tuwe ipiyaka kin de tawa hecinhan, he Juda wicaśta, Jerusalem ekta, hecen kaśkapi kta, qa Ikcewicaśta kin nape kin en wicaqupi kta ce, eya.

Olianyanpi kin 7:54

Unkan hena taku kin naḣonpi hehan, cante kin ekta nina iyoyakapi, qa hi ahdakokokapi.

II. Thessalonike 1:9

Hena e Itancan itohnake kin etanhan, wicotakuni śni owihanke wanica on kakiświcayapi kta.

II. Inyan 2:17

Miniyowe mini wanica, maḣpiya śapa tate iyumni on toke cincin eyaye cin hena hecapi; hena on otpaza sape ḣinca owihanke wanica wicakicihnakapi.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

Judas 1:13

Miniwanca taja ohitika, iye wowiśtece tawapi kin minitaga iyecen hiyuyapi ece; wicanḣpi onuniyata unpi, on otpaza sape ḣinca owihanke wanin wicakicihnakapi.

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.

Wayuotanin 21:27

Qa taku wiśamye aśamye cin he en i kte śni, qa taku śicaya econ, qa itonśni kin; tuka tona cajepi kin wiconi wowapi Amnos tawa kin en owicawapi kin henanapidan.